السلام عليكم ورحمه الله وبركاته
بسم الله الرحمن الرحيم
هنا تجمع المصريين لمباره مصر وايطاليا المباراه يوم الخميس1-10 الساعه ال9 والنصف باستاد القاهره الدولي في بطوله كاس العالم للشباب
طبعا الماتش مهم جدا ومصيري في طريق منتخب مصر لحلم كل مصري وهوه الوصول لمربع الذهبي للبطوله الماتش قدام منتخب ضعيف فنيا ولكن قوي اسما فقط واحنا منملكش غير اننا نساند الفريق في الماتش الجاي وباقي المشوار باذن الله وبعد كده نحاسبهم لكن شغل التقطيع في الفريق واللاعيبه والمدرب (اللي كانوا من يوم بالضبط نجوم العالم وتحولوا دلوقتي للاعيبه فيهم كل العبر )هوه ده قمه الغلط وبيضر بالمنتخب جدا خاصا ان دول لسه شباب صغيره واظن ان الموضوع لسه في ايدينا نكسب الماتش الجاي نصعد تاني مجموعه علي الاقل لذلك انا بطلب من كل واحد قادر انه يحضر الماشت في الاستاد انه يجي الماتش ويساند منتخبنا واللي مش قادر يسكت ويستني بعد الماتش الجاي وبعد كده نحاسبهم ونقطع فيهم
التذاكر متوافره امام نادي الاهلي بالجزيره واهلي مدينه نصر ومقر اتحاد الكوره
تذكره الدرجه ال3 ب5 جنيهات فقط والدرجه التانيه ب30
تفاصيل التجمع
التجمع في تمام الساعه ال5 امام الشبراوي ان شاء الله
القادمون بأذن الله