ليه لا للتعديلات الدستوريه

بيقولو نعم للتعديلات علشان الاستقرار " فين الاستقرار لما يبقي في 6 انتخابات متتاليه "
- الي قرا الدستور هيلاقي في مواد التعديلات مجتش نحيتها والرئيس الجديد ممكن يبقي فرعون حد يقولي لو اتظلم من رئيس الجمهوريه وقرريرفع قضيه عليه هيضمن ياخد حكم منصف اذاي والرئيس ليه ينقل قاضي مكان قاضي الرئيس لسه بيتمتع بكل الصلاحيات الي تخليه فرعون ودي في مواد جوه الدستور ومحدش عارف عنها حاجه والي مش متأكد يقرا الدستور .
- احنا موافقين علي مادة مدد الرئيس بس مش موافقين علي بقية المواد مش علشان يدونا مادة يشربونا الباقي
مثلا مادة المجلس سيد قراره القديمه عدلوها وخلوها للمحكمة الدستوريه هلي الي تفصل في صحة العضويه " فرحنا اوي "
بس المحكمة الدستوريه دي عدد القضاه بتوعها قليل جدا وعليها عبئ كتير اوي وسعات الاحكام مبتطلع غير بعد شهور وسنين ممكن لما المدة بتاعة العضو تخلص .
هو احنا بنوسعها علي نفسنا ولا بنضيقها .
- حد يقولي مين اكتر ناس مستفيده من التعديلات دي " الاخوااااااااااان " الاخوان دلوقتي اكبر حزب قوي هو والحزب والوطني وبقية الاحزاب جانبيه وطبعا الحزب الوطني محدش هيعبره يبقي المجلس نصه هيبقي اخوان ومستغليين الحكاية دي ويقلولك نعم بحجة الاستقرار " طيب هو انتم الي قمتو بالثوره ولا احنا لا لازم نتريث ونستني لحد ما شباب 25 يناير يعمل حزب قوي والاحزاب الجديده تقوي علشان هما ميضربناش علي قفانا وياكلم التورته كلها واحنا الي ضحينا بارواحنا علشان بلدنا وطبعا علشان اي حزب ياخد مكانه لازمله حوالي من 6 شهور لسنه " انتم عارفين خطوه الاخوان لو بقو كتير في المجلس الي بيشرع القوانين "
- واحد هيقولي مهو الدستور ده هيتلغي بعد الرئيس الجديد وهيتعمل واحد تاني هقوله طيب مهو مين الي هيشرع القوانين دي وهيفصله " اعضاء مجلس الشعب الي هما نصهم اخوان والموافق يتفضل برفع يده موااااااااااافقه "
- الاستقرار اننا نتستني شويه علشان البلد علشان دم الشهدااااء
- هو لما الواحد يكون عنده بيت أيل ومهدد بالسقوط بيرممه ولا بيهده ويجيب مهندس ويحطله قواعد سليمه ويبنيه من جديد .
- طيب احنا موافقين علي مادة مدد الرئيس بس الباقي ده هيودينا ورا الشمس طيب ليه متعملوش استفتاء علي ماده ماده
- ليه بتقولو يا تقبلو بيها وتشربوا كله يا لا
- خلي عندك مبدأ خلي عندك وعي وقول لا للتعديلات الدستوريه بس نعم للتغير .
- من امتلك قوه مجلس الشعب امتلك السلطه في البلاد وشوفو مين الي هيكون ليه نصيب الاسد الي مفيش غيره في الساحه انتم عارفينهم كويس .
" اللهم مبلغت اللهم فشهد علشان انا كل همي مصلحه البلد"

الكلام دة من صفحة البرادعى يا محمد

ولا كلنا خالد سعيد

ولا حركة كفايه

لان الكلام دة مش هيخرج عنهم وكلنا عارفين ليه

بس مش وقته اننا نخبط فى بعض عشان كلام فاضى

مش فاهمة والله الاخوان حارقينهم اوى كدة ليه

اذا كان الاخوان ليهم قاعده شعبيه كبيرة وهما لاء يبقى دى خيبه منهم هما

مش عيب فى الاخوان

موضوع الاخوان هيسيطروا والكلام الهابط دة الناس مبقتش تصدقه خلاص

لان الاخوان نزلوا الشارع واحتكوا بالشعب والشعب فهمهم صح وعرف ان النظام هو اللى كان بيخوفهم منهم

لمجرد انهم طول عملارهم عايزين البلد تنضف

ومجموعات البرادعى وكفاية

واخدين دلوقتى نفس طريق الحزب الوطنى وعمالين يشوههوا صورة الاخوان كلنا عارفين ليه

كفاية عايزة واحد مسيحى يحكم ويلغى المادة التانية اللى تعباهم اوى

والبرادعى عايز يحكم وبردوا يلغى المادة التانية ويخلى البلد فيها حرية من غير قيود

وممكن فى يوم من الايام لا قدر الله نلاقى بلدنا بقت زى دول اوروبا

كلها سكر وشواز علنى والكلام اللى البرادعى بيحبه وواخد عليه

اقسم بالله العلي العظيم

الكلام ده من دماغي انا صحيح قرات ليهم مؤخرا

بس والله ده ما هو اقتباس من حد انا شفت كلام الاخوان وشفت كلامهم

وواجهناهم بأسألتنا في المدرج ومعرفوش يردو وقالو مش زنبنا اننا حزب قوي ومش عايزين يستنوي لما الاحزاب الجديده تقوي وعايزين ياكلو التورته كلها

وسمعت كلام شباب الجبهه من قلب المنشيه بنفسي

وعقلت بين الاثنين واقتنعت بكلام المنطق لما الدكتور طلعت دويدار قال كلمه في وسط المحاضره " مرافعات " ومخدش باله منها استشفيت حجات كتير وكلنا استشفينا ده

يا امي الماده 2 محدش هيلمسها احنا 75 مليون متخفيش من دي انا مش بشوف صورة الاخوان

لانهم كانو زمان ديما بيقولو كلالالالالالالالالام ودلوقتي بيقولو كلالالالالالالالالام تاني

ولما واجهناهم مقدروش يردو ولا يتكلمو وانسحبوا ومشيو

بصي من الاخر انا معنديش اي كره ليه

بس كملي بقيت النقاااااااااااااط سيبك من الاخوان كملي بقيت النقد

وبعدين هو مفيش غيرهم علي الجبهه دلوقتي " هيبقي المجلس اغلبيته اخوان وسواء هما خير او شر مينفعش اصلا "

في حالة اي مناقشة علي قانون لو كل واحد رفع ايده هتبقي موافقه فين بقي الديمقراطيه الي كنا بنعاني منها الحزب الوطني كان ديما بيقول موافقه لانهم كتير

مش هيكونوا اغلبيه ولا حاجة يا محمد هما قالوا

انهم مش هينزلوا انتخابات الرئاسة اصلا

وانتخابات مجلس الشعب هينزلوا بالتلت بس

يعنى زى الفل والله ومش بينتهزوا الفرصه

على فكرة مش مسؤليه الاخوان ان اللى وقفوا معاك او مع غيرك

مش عارفين يتكلموا او يوصلوا وجهه نظر الاخوان الصحيحه

ايه بقى باقى النقد دة انا شايفه ان كل الموضوع

وكل الرفض متركز اوى على قوة الاخوان

اللى هما اصلا استمدوها من الشعب بارادة الشعب مش غصب عنه

طيب سيبك ن الاخوان الباقي ملهوش لازمه ؟

انا مش كاتب دي للجدال انا خلصت ضميري قدام ربنا

طيب يا محمد بردوا انزل يوم السبت ان شاء الله

وقول رئيك سواء موافق او رافض

بس لازم تكون ايجابى

وخلاص طالما انت مقتنع بحاجة

ولا انا ولا 1000 زيى هيقدر يخليك تغير رئيك

البطااااااااااااااااااااااقه ضاعت ههههههههههههههههههههههه
ليه لا للتعديلات الدستوريه 103219

مش عارف هيقبلو الكارنيه ولا لا

كارنيه !!!!!!!!

اديهم كارت شحن احسن

انت هتهزر مع القوات المسلحة ولا ايه

الكارنيه دة كان على ايام الحزب الوطنى

عشان كدة كدة صوتك ملوش لزوم

دور على صورة لبطاقتك كدة

وانت ان شاء الله بتمشى وبتسافر من غير بطاقه ازاى

لسه ضايعه النهارده " والله لازم داخل مدي صوتي بازن الله لو حتي ايه هقابل المشرف علي اللجان واقوله

يا اولع في نفسي في قلب اللجنه " مدام معايا اثبات شخصيه خلاص

عايزين تقولو نعم واحنا منقولش لا هههههههه دا بعينكم

اقتباس :: حد يقولي مين اكتر ناس مستفيده من التعديلات دي " الاخوااااااااااان " الاخوان دلوقتي اكبر حزب قوي هو والحزب والوطني وبقية الاحزاب جانبيه وطبعا الحزب الوطني محدش هيعبره يبقي المجلس نصه هيبقي اخوان ومستغليين الحكاية دي ويقلولك نعم بحجة الاستقرار " طيب هو انتم الي قمتو بالثوره ولا احنا لا لازم نتريث ونستني لحد ما شباب 25 يناير يعمل حزب قوي والاحزاب الجديده تقوي علشان هما ميضربناش علي قفانا وياكلم التورته كلها واحنا الي ضحينا بارواحنا علشان بلدنا وطبعا علشان اي حزب ياخد مكانه لازمله حوالي من 6 شهور لسنه " انتم عارفين خطوه الاخوان لو بقو كتير في المجلس الي بيشرع القوانين "

محمد أفندي اولا الاخوان قالوا انهم هيترشحوا فقط ل 35 % من المقاعد في مجلس الشعب

ثانيا الاخوان هيخافوا من الاحزاب التانية لتقوي ؟ هههههه حلوة دي - الاخوان وهمه متقفل عليهم ومخنوقين وصلوا للشعب ومؤثرين فيهم فمابالك وهمه واخدين حريتهم - التأخير في صالحهم أصلا لأنهم هيشتغلوا بكل حرية

والكل شايف الشغل اللي شغالينه كل يوم - الاحزاب كل يوم بتضعف يا محمد ومالهاش تأثير الا في شرايح محدده

لكن الاخوان تأثيرهم في كل مكان وفي كل طائفة والحرية بتزيدهم قوة يوم بعد يوم

وبعدين الناس اللي خايفة من الاخوان خايفة من الاخوان ولا خايفة من الاسلام

انا شايف نص موضوعك خوف من الاخوان مع اننا ماشفناش منهم أي شر

بصراحة يا محمد انا مش شايف منك أي سبب مقنع - انا كنت منتظر منك أسباب أقوى من دي - خاب ظني فيك

انت اخدت سبب واحد وعلقت عليه

واصلا هما يطلعو ايه علشان يقولو هناخد كذا الي قام بالثوره هو الاولي يعمل حزب والشباب بتطالب بفرصه علشان حزبهم واحزاب غيرهم تقوي هما جم ودخلو في الثوره مش من حقهم يقررو

وبعدين يا وائل انت بتقول مش شايف سبب بقيت الاسباب دي 1+1=2 في القانون طلع الدستور واقراه

وحكاية المحكمة الدستوريه دي بظرميط خالص وصلاحيات رئيس الجمهوريه الخ

علي العموم انا هنحترم النتيجه في الاخر سواء باه او لا والي قال نعم وحصل حاجه يتحمل غلطه والي قال لا وحصل حاجه يتحمل غلطه

™Silent Love™ كتب:: واصلا هما يطلعو ايه علشان يقولو هناخد كذا الي قام بالثوره هو الاولي يعمل حزب والشباب بتطالب بفرصه علشان حزبهم واحزاب غيرهم تقوي هما جم ودخلو في الثوره مش من حقهم يقررو

يابني اقرأ كويس همه مقالوش هناخد قالوا هننافس على 35 % من المقاعد وانا متأكد وانت متأكد انهم لو اترشحوا بكامل قوتهم هيحصلوا على 80% من المقاعد

راجع كلام الناس كلها وقت الثورة وانت تعرف مين اللي حمى الثورة والثوار في موقعة الجمل

يا محمد لو انت واخد موقف من شخص معين ده معناه ان كل الاشخاص سيئين

الغرب لو فيه مسلم أخطأ بيقولوا الاسلام كله أخطأ - مش عاوزين نبقى زيهم

سيبك من النقطه دي خد باقي النقاط

وبعدين 35% شويه دول كفيلين بانهم لو عايزن قرار يبقي موافقه هيبقي ولو عايزنه ميبقاش موافقه مش هيبقي

وبعدين انت اخوانجي مش هنتجادل هههههههههه

ياعم سبها علي ربنا انا كتبتها علشان اعرف انام وانا مرتاح بس

يا عم انا لا اخواني ولا مانجاوي

انا أزهري - مع الحق حيث كان

وفي الاخر

كما قال الامام الشافي - رحمه الله -

رأيي صواب ويحتمل الخطأ ورأي غيري خطأ ويحتمل الصواب

او كما قال الامام الشهيد حسن البنا - رحمه الله -

نتعاون فيما اتفقنا عليه ويعذر بعضنا البعض فيما اختلفنا عليه

احلى حاجة الكلمتين اللى فى الاخر دول يا وائل

وعشان متتعبش نفسك

الاخوان بالذات اللى مش بيتفق معاهم من الاول

عمره ما هيقتنع بيهم لو حتى عملتله ايه

دة بالاضافه ان فى ناس معين بتحمل حملات دعاية لشخص معين

مفيش وراهم اى حاجة طول النهار والليل غير تشويهه صورة الاخوان

انا كان نفسى بس ان كل واحد يهتم بمرشحه ويايده ويضيع وقته فى نشر برنامجه

بدل ما كل واحد عمال يشوهه صورة اللى يحس انه افضل منه

على فكرة يا محمد والله الكلام مش عليك خالص

طبعا انت عارف انى اقصد مؤيدين العلمانى اللى اسمع البرادعى

ليه لأ ( اولا الرسول قال ان المفروض نتبع العلماء لأنهم ورثة الانبياء

والعلماء اجمعوا جميعا .. علي نعم للتعديلات الدستوريه

يوم القيامه لو ربك سألك هتقوله دا كان شيخي .. هيشتال وزركـ ..
وبعدين روح لعقلك يا مسلم .. الدوله دي مسلمه طول عمرها من أول مفتحها عمرو ابن العاص .. خطأ فادح نعطي فرصه للنصاره للحكم

ودا اهم البنود الي يعرفك الصح من الخطأ

تضمنت التعديلاتُ عدم التعرض للمادة الثانية مِن الدُّستور - التي تَنُصُّ على أنَّ دين الدولة هو الإسلام، وعلى مرجعية الشريعة الإسلامية- رغم وجود أصواتٍ عِدَّةٍ منذ بداية الثورة لتعديلها، ولا نشك أنَّ حملةَ الدعوة لعدم المساس بها كان لها كبيرُ الأثر في عدم التعرض لها.

تضمنت التعديلاتُ إيجابيةً عظيمةً في إلغاء المادة (179) الخاصَّة بمكافحة الإرهاب، والتي كانت سَيفًا مُصْلَتًا على العمل الإسلامي برُمَّته.

يعني معتش حد هيطلع يقول " قال الله وقال الرسول" ويقولوا عليه ارهابي

دا مقطع من اهم المقاطع ع اليوتيوب بشأن التعديلات

شوف الفيديو ده وبعدين قرر يا محمد