إستفتاء رأى

طيب الاستفتاء عن ايه يا عمرو حط الخيارات علشان اعملها استفتاء في الموضوع

تم وضع خيارات الاستفتاء

مستنى تفاعلكم

تم وضع الاستقتاء فى بدايه التوبيك


بعد اذنك طبعا يا عمرو


بالنسبة لسؤالك

الاختيار التالت

دة الشعب كله بجميع اطيافه وفئاته هيعترض عليه طبعا

الا جزء بسيط اوى من المنتفعين اللى حوليه والمعروفين اكيد

رغم انى حاسة احساس كبير اوى انه ممكن يمد لنفسه فترة رئاسه

ويقول بناء على تاييد الشعب وارادته ويارب دة ميحصلش ان شاء الله


الاختيار التانى

للاسف مبقاش ينفع اى حد عاقل يطالب بيه بعد الفترة اللى فاتت دى

مش عشان الامن والامان والكلام دة الحمد لله الناس تقدر تحمى نفسها كويس اوى

والشرطة فى مصر اظهرت اوى اليومين اللى فاتوا انها بتحمى نظام مش بتحمى شعب

ولكن مبقاش ينفع نطالب برحيله دلوقتى لان هو انسب حد يمسك البلد دلوقتى

هو اللى خربها وهو اللى مسؤل يرجعها زى ما كانت دة طبعا بالاضافه اننا معندناش اى حد يقدر يمسك بلد للاسف

كل المعارضة اللى موجودة فى الشارع دلوقتى وعامله نفسها مجتمعه مع بعض على مطالب واحدة

اول ناس هيقطعوا بعض على الرئاسة لو حسنى مشى هيقولك حكومة مؤقته ايا كان اسم الحاكم الباقيين مش هيوافقوا عليه

الاختيار الاول

هو احسن الوحشين وانقاذ ما يمكن انقاذه وحقن دماء المصريين اللى بيضربوا بعض فى الشوارع

نديله الفرصة ونستحمله 7 شهور زى ما استحملناه 30 سنة وتبقى دى عقوبة لينا اننا سكتنا عن حقنا طول ال 30 سنة

اتمنى اننا نهدى ونريح شوية وندى للحكومة الجديدة فرصة ونحافظ على بلدنا وعلى نفسنا شوية

البلاد اللى ملهاش اى لزمة بتضحك علينا وعلى اللى بنعمله فى بعضنا ومبسوطين عشان كان نفسهم اى حاجة وحشه تحصلنا


اااااااااااااااااااااااسفه للاطاله

ودة مجرد رئى شخصى

يا يمنى أنا خلاص تعبت من كتر التفكير فى الموضوع

أنا حاسس إننا دخلنا فى متاهة طويــــــــــــــــــــلة

أنا و الله العظيم من أكتر الناس اللى بتحب مصر

علشان كده هموت من الوجع و أنا بشوفها بتومت كل يوم

و فى نفس الوقت نفسى الفرعون ده يبعد و يسيبنا بقى

بس واضح إن مفيش حل غير إنه يفضل لغاية نهاية حكمة

علشان البلد ترجع تستعيد توازنها من جديد

علشان بالعربى كده أى إنتقال للسلطلة دلوقتى هيعمل فراغ سياسى رهيــــــــــــــــــب

بس ده مش معناه إن إننا نوقف و نهتف بأسمة و حقك علينا ياريس و الهبل ده

بالعكس ده هيقعد بس بشروط الشعب





أنا فى نظرى كمواطن و شاب مصرى الشروط هى :



1- الغاء قانون الطوارئ من الدستور المصرى

2- إرتفاع المرتبات الحكومية و القطاعى العام و الخاص الى مالايقل عن 1500 جنيه مصرى للشاب

3- تعديل مواد الترشيح الرئاسى المادتين 76 و 77 ( تقريبا الشرط ده إتحقق )

4- تشكيل لجان قضائية للاشراف على الانتخابات الرئاسية و إنتخابات مجلسى الشعب و الشورى

5- حل مجلسى الشعب و الشورى و إجراء إنتخابات نزيهة لاختيار أعضاء جدد للمجلسين

6- عدم ترشيح محمد حسنى مبارك للانتخابات الرئاسية القادمة كما وعد

7- توفير الوظائف لكل خريج للقضاء على مشكلة البطالة

8- تخفيض نسب الضرائب العملاقة التى تفرضها الحكومة المصرية على شعبها





فى وجهة نظرى هى دى الشروط اللى يعمل على تحقيقها فى السبع شهور اللى هيقعد فيهم

و بعد كده يبعد و ينسانا بقى

معاك حق يا عمرو


وعايزة اقولك اننا كمصريين او بعضنا بنفرط اوى فى المشاعر وعاطفيين اوى


يعنى بالبلدى كدة هو اكل عقل الناس بالكلمتين بتوعه فى الخطاب


والناس بكت وقالتله بنحبك عشان قال انا هموت على ارض البلد دى


ونسوا فى ثانيه انه قبل ما يقول كدة كان هو ونظامه الفاسد قاتلين شباب كتيييييييييييييير اوى من شباب البلد


سواء فى الاقسام او فى المظاهرات او فى العبارات او القطارات او فى المواد المسرطنة


انا مبقولش الناس تاخده من قفاه ترميه بره او تحاكمه مع انه يستاهل طبعا


بس كمان مينفعش نفضل نقول بنحبك يا ريس وانت زى الفل يا ريس


اومال احنا كنا طالعين نعمل ايه ونقول ايه مهو لو كلنا بنحبه وهو جميل اوى كدة محدش كان هيفكر يخرج من بيته


انا كان نفسى من الناس وخصوصا المثقفين انهم يقولوا احنا هنيله فرصة يخلص رئاسته

ومبسوطين بخطابه وانه سمع لرئى الشعب واقتنع اخيرا بالتغيير