الجــــــمبري و الكـــابوريا - المشهد الثالث

المشهد الثالث

حجرة بها طبلية و عليها جمبري و كابوريا و سمك بوري و سمك بلطى و سبيط مقلي و سبيط طاجن و سلطة خضراء و بابا غنوج و بيبسي و زجاجة مياه

انا : فين البسارية يا ماما

ماما : ملقيتش بسارية قولت اجبلك جمبري

انا : مليش دعوة انا عايز البسارية . نفسي فيها

ماما : تصدق انك وش فقر . في حد يلاقي الجمبري و عايز بسارية . هو في بيبي في الطريق و لا ايه

انا : مليش دعوة انا عايز بسارية

ماما : يا صغنن . ايه يا واد بقيت نغه خالص . افطر . يالا . المدفع ضرب

انا : طيب انا هنزل اصلي و ارجع . تكون السلطة برديت

ماما : ماشي يا ظريف يا كوميدي

" و بعد الصلاة جيت انا و الحج . و بنسن السكاكين و بنسن المقص على الوليمة المنتظرة "

انا : يالا يا ماما . هاتى كوباية علشان عطشان

ماما : بس يا ريت متشربش كتير . علشان تعرف تاكل

انا : طيب . هاتى انتى بس

انا : بسم الله الرحمن الرحيم

" و هب النور قطع "

ماما : شوفت يا وش الفقر . هناكل ازاي كده

انا : و انا مالي . انا قولتلكوا تعالوا نعزل عند السيد المسئول علشان النور ميقطعش . هناكل الجمبري و الكابوريا ازاي

ماما : و لا يهمك . خد كل طبق الرز ده اعقبال النور ما يجي و تعرف تفصفص السمك و الجمبري

" اكلت طبق الرز . و شربت زجاجة المياة . و معاه البيبسي . و نزلت صليت العشا و التراويح . و النور لسه مجاش . فاخيرا اقتنعت ان النور . شكرا النهاردة . و فوت علينا بكرة يا سيد "

و بكده لاكون حصلت بيسارية و لا جمبري و لا كابوريا

فانتازيا / بقلمي