رباعيات اه يابلد (الجزء الأول)

دي رباعيات انا بكتبها بالعميه المصرية

علي غرار رباعيات الراحل صلاح جاهين

وبحاول فيها أحكي مشاكل البلد وأستعجب

بس الفرق بينها وبين رباعيات صلاح جاهين

إن رباعياتي بتنتهي بـ أه يابلد مش زي

رباعيات جاهين بتنتهي بـ عجبي

يارب تعجبكم

*********************

عركة علي الرغيف

وأنا إنسان ضعيف

ولو يوم نمت جعان

يقولك نام خفيف

أه يابلد
****************
هزيت بإيدي كام كاس مكسور

وفي حبك شربت كل الخمور

علشان أنسي حبك أتاري

حبك في القلب محفور

أه يابلد
**************
كسروا لـيـنا القلام

ومنعوا عنـا الكلام

والي نطق عـذبـوه

علشان خرج علي النظام

أه يابلد
****************
موسي إتربي علي إيد فرعون وعلي فرعون عصي

وفرعون أوتي الملك وعلي صاحب الملك عصي

و أنا الي إتربيت فيكي بالعــصـا

عمر قلبي ما علي حـبـك عصـي

أه يابلد
***************
قالوا حبة عيال ومسقطة البناطيل

ولو حبوا حرفين علي طرف منديل

وفرعون ميهزهوش ولا ألف فيل

إصحي يابلد العيال عملوا المستحيل

أه يابلد
************************
عريان يا وطن و غزلك ليه مـوقـوف

والقطن علي الارض مرمي قناطير ألوف

وعــــمالك مــــلوا الــــوادي

وانت ليه مش عايز تشوف

أه يابلد
*******************

™Silent Love™ كتب:

يا عيني علي الكلام

بس انا علشان مبفهمش في الرباعيات دي مش هقدر افيدك بس هو باين عليه كلام تمام يا مان

ههههههههههههههههههههه

يامن الرباعيات دي عبارة عن أربع أبيات متفقة في القافية ماعدا البيت التالت

والشاعر فيها بيناقش حاجة مشكلة مثلا زي انا هنا بناقش مشكلات البلد

وساعات بسقط الضوء علي حاجة

وكان أعظم واحد كتب الرباعيات هو الراحل صلاح جاهين ومن رباعياته مثلا

أنا شاب لكن عمري ألف عام

وحيد لكن بين ضلوعي زحام

خايف و لكن خوفي مني أنا

أخرس و لكن قلبي مليان كلام

عجبي !!!!

بس ياعمنا