manal moon !! عضو نشيط !!
الكلية : الجنس : الابراج : جنسيتك : عدد المساهمات : 662 السٌّمعَة : 0 تاريخ الميلاد : 22/08/1995 تاريخ التسجيل : 14/07/2010 دعاء : العمر : 28 الهواية : المزاج :
خدمات المنتدي مشاركة الموضوع: مشاركة
| موضوع: هااااااااااااام للمخطوبين الجمعة يوليو 01, 2011 1:15 am | |
| نستي العزيزة.. لو ربنا سهلك.. واتخطبتي.. فإليك نصائحي حتى تأخذي بخطيبك من مركب الخطوبة إلِّي محدش عارف هاترسى على إيه.. [/b][b]إلى مثوااااه الأخير في قفص النسانيس.. يوووووووووه قصدي قفص الزوجية السعيد.. ... أجمل ما في الخطوبة العزومات
الرومانسية..
على أحلى محلات أكل فى البلد.. واللي عمرك مانتي شايفاها بعد الجواز.. المهم نصائحي لكي عند أي عزومة مع خطيبك.. قلنا رقَّه ....
1- الأول لازم تعرفي إن الشوكة والسكينة بيتمسكوا من إيديهم من الطرف يعني مش م الوسط ولا م البوز زي الخنجر ولا من فوق طبعًااا
2- العيش
أوعي تفضحينا وتقطعيه بسنانك.. ولا الرغيف نصين بأيدك وكل نص لقمة وتحشري.. أوعي.. العيش بيتقطع بالسكينة ف الطبق.. وبعدين تاخدي لقمة.. لقمة.. بالعافية.. قال يعني نفسك مسدودة.. اضغطي على أعصابك جدااا وبعدين لما تروَّحي.. إبقي حِفِّي زي مانتِ عايزه....
3- الشوووربة..
أبوس كعب رجلك.. بند الشوربة ده مهم جدًاااا.. الشوربه تتشرب من غير صوت خالص.. ومن غير ماتقعدي تنفخي فيها.. زي القهوجي اللي بينفخ ف الحجر للزبون.. وطبعًاااااا عايزك تنسى تمامًا.. السلطانية اللي بتقيميها على بقك ف البيت.. وتدلدقي على روحك.. بالمعلقه وبدون صوت.. سخنة ولعة برضه بدون صوت.. وتسيبي تلت الطبق ع الأقل.. مش تميليه.. عشان تلهطيها لآخر نقطة.....
4- الرز طبعاً
.. بيتاكل بالشوكة.. أوعي إيدك تتمد ع المعلقة.. وتغرفي من طبق الرز وتعبي.. إوعي.. الرز بالشوكة.. وكأنك بتبوسيه مش بتاكليه..
5- المكرونة
.. الاسباكتي.. برضه بالشوكة.. تتلف على طرف الشوكة.. لحد ما تخلص وبعدين تحطيها ف بؤك من سكات.. مش تشفطي المكرونة عود عود..
6- السمك..
مشكلة.. شوفي.. بتفصلي اللحم عن الشوك.. إزاي..؟؟ تقطعي اللحم من النص.. بالطول وبعدين تفردي اللحم ع الجانبين ولما تخلصي ناحية.. متقلبيش السمكة.. بلاش فلح.. شيلي السلسلة بالشوكة والسكينة وحطيها ف جنب الطبق وكملي أكل النص التاني.. وبدل الفيلم الهندي ده.. نصيحة.. ماتكليش السمك خالص.. قولي مابحبش السمك وخلصي نفسك..
7- الجمبري..
إذا كنتي عارفاه اصلا.. أول ماطبق الجمبري ينزل.. بصيله بقرف واحتقار شديدين.. آل يعني زهقانة من كتر أكل الجمبري الجامبو فى بيت ببااااا.. وأتنهدي جامد وقولي.. برضه..؟؟؟ وتروحي قاطعة راس الجمبريياية.. بالشوكة.. أنا ف عرضك إنسي المصمصة دلوقت..
8- البطاطس
سواء مسلوقة أو محمرة.. أوعي تهرسيها وتدبيها ع الرز وتدي ...لا..لآ...لآ...بالشوكة حتة حتة وإنتى زي ما تكوني هاتعيطي من كتر ما البطاطس صعبانة عليكي..
9- الفاكهة..
لو الفاكهة فيها بذر.. طلعيه من بؤك بالراحة وحطيه ف إيدك وهي مقفولة.. وبعدين ف طفاية السجاير اللي ع الترابيزه.. أوعي ياحبيبتي من نظام التفتفة للبذر.. إنسي....
ولما تخلصي أكل تحطي إيدك على بطنك.. -اللي عصافيرها بتصوصو من العينات اللي كلتيها-.. وتقولي له مش ممكن.. أنا عمري ما اتفجعت كدة.. أنا قدامي أسبوع.. هابطل أكل فيه.....
وبعدين تمسكي الفوطة اللي دايمًا موجودة ع التربيزة من غير لازمة.. وتبوسيها.. آل يعني بتمسحي بؤك.. وبعدين تستأذني منه لدخول التوليت لإصلاح ماكياجك.. وتخشي التواليت وتطلعي من شنطة إيديك.. لفة الفول والطعمية اللي جايباها معاكي.. وبالهنا والشفااااااااااااا
منقول
تحياتى
| |
|
الفراشة !! المشرفه العامه !!
. : الكلية : الجنس : الابراج : جنسيتك : عدد المساهمات : 28347 احترامك لقوانين المنتدي : السٌّمعَة : 10 تاريخ الميلاد : 11/11/1986 تاريخ التسجيل : 15/09/2009 دعاء : العمر : 37 الهواية : المزاج :
خدمات المنتدي مشاركة الموضوع: مشاركة
| موضوع: رد: هااااااااااااام للمخطوبين الجمعة يوليو 01, 2011 1:27 am | |
| يا اختى اسكتى يعنى هما اللى ما شاء الله عليهم دول تلاقيهم ميعرفوش يعنى ايه اكل اصلا هههههههههههههههههههه كلى براحتك يابت انتى وهى واذا كان عاجبة بقى هههههههههههههههههه | |
|
™Silent Love™ !! مؤسس المنتدي !!
. : الكلية : الجنس : الابراج : جنسيتك : عدد المساهمات : 7147 احترامك لقوانين المنتدي : السٌّمعَة : 7 تاريخ الميلاد : 01/01/1989 تاريخ التسجيل : 08/09/2009 دعاء : العمر : 35 الهواية : المزاج :
خدمات المنتدي مشاركة الموضوع: مشاركة
| موضوع: رد: هااااااااااااام للمخطوبين الجمعة يوليو 01, 2011 1:30 am | |
| هههههههههههههههه قريتها زمان ضحكت اوي تسلم ايدك | |
|
manal moon !! عضو نشيط !!
الكلية : الجنس : الابراج : جنسيتك : عدد المساهمات : 662 السٌّمعَة : 0 تاريخ الميلاد : 22/08/1995 تاريخ التسجيل : 14/07/2010 دعاء : العمر : 28 الهواية : المزاج :
خدمات المنتدي مشاركة الموضوع: مشاركة
| موضوع: رد: هااااااااااااام للمخطوبين الجمعة يوليو 01, 2011 1:32 am | |
| هههههههههههههههههههههههههه
والله يا يمنى على رايك
نورتينى يا حبيبتى
تسلم يا محمد لردك
| |
|