اضحك كركر.................

مسطول راح المحكمة القاضى بيسأله انت متجوز مين؟قاله:واحدة ست,القاضى قاله
انت هتهرج؟ امال فى حد بيتجوز راجل , قاله :اه اختى

مسطول بيقول لصاحبه: يا اخى امبارح دخلت فيلم هندى هايل بتاع راجل وست ماشيين فى الشارع لقوا طفلة فى اللفة خدوها ربوها لغاية لما كبرت وفى الاخر طلعت امهم

مسطول ماشى فى الشارع فقابل واحد قاله: ازيك يا محمد انت اتغيرت اوى يا محمد عنيك ووشك وكل شكلك اتغير اوى يا محمد , رد عليه وقاله لكن انا مش محمد ... فقاله وكمان غيرت اسمك يا محمد

واحد باشا دار عليه الزمن وافتقر حب يشتغل اشتغل بياع فجل وجرجير , طول
النهار واقف فى السوق ولابس الطربوش وبينادى فجل ياحوش جرجير يا كلاب

صعيدى فى الجيش بيقول لعسكرى زميله فى الحرب :انت من دشنا؟ قال له لا .. راح ضربه بالنار وقال له تبقى من ديش العدو


حشاش بيقول لزميله يااخى ماتيجى نروح فلسطين , قاله : ليه , قاله : نروح
نضربلنا حجرين


مرة واحد بخيل اوى خبط فى حيطة اتعور جامد وقعد ينزف , شافه واحد عسكرى قاله:اشوفلك دكتور .. قاله : لا شوفلى حد يشترى منى الدم الى نازل ده

سألوا واحد بخيل جداجداجدا : تعمل ايه لو الدنيا برد. قال: اروح للدفاية ... قالوا: ولو الدنيا بردت اكتر؟ قال اقرب من الدفاية.. قالوا : ولو بردت اكتر؟ قال: الزق فى الدفاية .. فالوا : واو نزل تلج. قال :اشغل الدفاية بقى وامرى لله