قناة رمضان الجديدة

كل سنه وانتم طيبين و رمضان كريم




قناة الافلام .. مش هتقدر تسيبنا و تصلي !!
أعزائي المشاهدين .. أهلا و سهلا بكم في قناتكم المفضلة قناة الأفلام ..
إليكم برنامج شهر رمضان المعظم


في تمام الساعة 12.00 تلتقون مع فيلم ' إوعى تصلي الظهر ' و هو فيلم تدور قصته حول غبي لعب الشيطان بعقله فترك لقاء الله عز وجل ومناجاته و تابع برامجنا
في تمام الساعة 15.00 تلتقون مع برنامج ' إنسى وِردك ' و هو برنامج نستضيف فيه العديد من الفنانين جاءوا فقط ليلهو سعادتك عن وردك من القران ..
في تمام الساعة 16.00 تلتقون مع المسلسل الشيطاني ' صل العصر في البيت ' وهو مسلسل لاقى نجاحا كبيرا في أوساط ضعاف العقول و الإيمان حيث تدور فكرته الأساسية ان الصلاة في المسجد غير مهمة و صلاتك في بيتك أحسن ..
في تمام 17.30 تلتقون مع برنامج ' إربح المليون ' هو برنامج مسابقات يتيح لك الفرصة لتربح ملايين الدولارات و في نفس الوقت يسمح لك بنسيان وردك من ذكر الله و بالتالي تفقد ملايين الحسنات ..
مع صلاة المغرب تلتقون مع النقل المباشر للحفل الفني الذي يحييه العديد من عدوى انفسهم و عدوى الامة و طبعا نقدم لك الحفل تغطية عن النقل المباشر للصلاة من الحرم ..
في تمام الساعة 20.00 تلتقون مع الجزء الثاني من فيلم ' إلا التراويح ' و هو فيلم يمتد من قبل صلاة العشاء الى حدود الساعة 22.00
و هو فيلم بذل فيه المخرج و سعه و تكلف فيه ميزانية ضخمة فقط ليلهيك عن صلاة التراويح

ومع السهرة تسهرون الليلة مع فيلم ' نم وعليك ليل طويل ' و هو فيلم بالاشتراك مع الشيطان قصته تدور حول غبي سمح للشيطان ( بطل الفيلم ) ينومه عن صلاة الفجر و العديد من الأحداث المثيرة .. أترك لكم بقيتها
لا تنسوا شعارنا :
مع قناة الافلام مش حتقدر تسيبنا و تصلي !!


............ ......... ....
أذكركم بمواعيد بعض المسلسلات

فى تمام الساعة 7.30 بعد اذان المغرب تلتقون مع كارتون ( لوث أفكارعيالك)
فى تمام الساعة 8.30 م بتوقيت القاهرة تلتقون مع مسلسل (إنسى التراويح)
و فى تمام الساعة 10.00 مع برنامج (ضيع عمرك)
و فى تمام الساعة 03.30 مع مسلسل (إسهر و نام قبل الفجر)
و طبعا إوعى تنسوا المسلسل السنوى
الذى يذاع على أكثر من 100 قناة عربية
فى حلقاته الجديدة هذا العام
مسلسل (مبروك رمضان فاتك )

الله يفتح عليكي

انا مبتفرجش علي التلفزيون اصلا خااااااااالص غير وانا بفطر مسلسل الكبير اوووي وبس

جميل اوى بجد يا ملوكة

وعندك حق والله

بس الحمد لله انا مش متابعة ولا مسلسل

الحمد لله

فعلا فيه ناس كتير ماشية ورا المسلسلات والأفلام والكلام الفاضي ده وناسيين رمضان

موضوع جميل يا برئ
ربنا يهدي الجميع

يا رب امين
ده الهدف من قنوات التلفزيون والمسلسلات يلهونا عن العبادة عشان كده حبيت اعرفكم اهمية الوقوف ضدهم لا في رمضان ولا في الايام العادية نتفرج منمعش لكن مش باستمرار