- الفراشة كتب:
- هههههههههههههه
يعنى خلاص تامر كدة طلع مجرم حرب ههههههههههه
يا عم الاتنين حلوين واصلا مفيش مقارنة بينهم
دة عمرو قد تامر مرتين فى السن وكمان رصيد الاغانى والحفلات
بس تامر وصل اسرع ودة نصيبه مش عيب فيه طالما بيلاقى اللى يحبه ويسمعه ويشجعه
وبعدين هو مش ماثر ولا هياثر على نجاح عمرو يبقى انتوا زعلانين منه ليه بقى
دة تيمو دة جميل خالص خالص والله
انا معاكي جدا
بس فيه حاجه الناس فهماها غلط ان احنا مضايقين ان تامر نجح علشان احنا بنحب عمرو
لا اطلاقا والله
دا احنا بنستني اي اغنيه تطلع حلوه علشان نسمعها نفسنا كل الاغاني تبقي مميزه وجامده علشان نستمتع اكتر
لان احنا هنا مش بنشجع اهلي وزمالك وكل واحد ليه فرقه ومطرب
دي حاجه مضحكه اوي الصراحه ظهرت من اول ما جمهور تامر طلع في المنافسه بتاعت عمرو دي
بس الواحد لما يشوف عدم تقدير لمجهود 25 سنه لراجل هو رقم واحد دايما ونيجي نحطه قدام واحد عنده 4 البومان او خمسه يبقي حرام بجد
تامر والله ذات نفسه قال كدا وعندي الفيديوا اللي اكد فيه الكلام دا مليون مره وفي افراحه وفي كل حته
بس الجمهور بيبالغ اوي دا اللي مضايقنا يعني انا ممكن اقول اني بحب عمرو دياب اوي واحلي مطرب بالنسبه لي
بس ما اقدرش اقول ان عمرو دياب انجح من مايكل جاكسون ولا ايه ؟
لو قدرت اقول ان عمرو دياب انجح منه في الحاله دي يبقي كلام جمهور تامر صح وليهم حق يقولوا ان تامر انجح من عمرو
لكن طبعا لا
انا اقول انا بحب عمرو اكتر من مايكل جاكسون لكن ما اقولش ان عمرو انجح واشهر واعلي من جاكسون
دا مثال بس ودا كل الاختلاف
لكن تامر اكتر فنان شعبيه بين شباب جيله ودي حقيقه .
وان كان موسيقيا حماقي وعمرو مصطفي ورامي صبري فاهمين اكتر وخطواتهم محسوبه وبيفهموا مزيكا وبيطوروها صح
اما تامر ينقصه الحته دي وهيبقي صاروخ زي ما عمرو قال
ونتمني بعد ما عمرو يعتزل نلاقي مطرب يتسمع لجمهور عمرو ما نفضلش عايشين علي ذكري
اتمني كلامي يكون وصل بس
الحكايه مش حرب
شكرا