the prince lover Super Star
. : الكلية : الجنس : الابراج : جنسيتك : عدد المساهمات : 4163 احترامك لقوانين المنتدي : السٌّمعَة : 0 تاريخ الميلاد : 04/01/1991 تاريخ التسجيل : 23/11/2009 دعاء : العمر : 33 الهواية : المزاج :
خدمات المنتدي مشاركة الموضوع: مشاركة
| موضوع: الحلقة السابعة .............. ( يوميات كريم و سارة ) السبت مايو 15, 2010 12:58 pm | |
|
معلش أنا أتأخرت عليكم فى الحلقة دى
بس على العموم ملحوقة
و دلوقتى يلا نبدأ
الحلقه السابعه
كنا انتهينا ان كريم ظبط كل حاجة مع مامتها وانها اتاكدت ان كريم ده شخصية كويسة وابن ناس وانه مش بيلعب ببنتها ذى شباب اليومين دول (( فاهمنى طبعا اا ))
كل شئ كان تمام وفى يوم كان كريم بيكلم سارة وديه كانت المكالمة
ووووو نسمعها سواااااااا
كريم :- وحشتينى
سارة :- انت اكتر
كريم :- بجد والله انا نفسى اشوفك
سارة :- ياسلام انت لو كنت عاوز تشوفنى بجد كنت زمانك جيت الدرس عشان تشوفنى بس انت بقى اللى ما جتش
كريم :- والله يا سارة انا عندى اليومين دول امتحانات وبتاع ونفسى اشوفك بس مش قادر انزل
سارة :- لا خليك فى مزاكرتك احسن .... وكفاية عليا انى اسمع صوتك كل يوم
كريم :- يا لهوى اهى الكلمة دى عندى بالدنيا وما فيها انا بموت فيكى يا سارة سارة :- بس انا اكتر
كريم :- اكتر ايه ؟؟
سارة :- هههههه ما انت فاهم وعارف كل حاجة
كريم :- بس انا عاوز اسمعها منك
سارة :- ما انت عارف انى مش بعرف اقول الكلام ده
كريم:- طب ما انت اول واحدة اقولها بحبك وبموت فيك يا سارة وربنا يخليكى ليا يا رب يا اغلى عندى من الدنيا ومافيها
سارة :- بجد يا كريم يعنى انت بتحبنى زى ما بحبك
كريم :- بصراااااااااااااااااااااااااااااحة لا ( يا خرابى اعترف الواد )
سارة :- ايه ......!!!!!؟؟؟ ( راح ف دهية)
كريم :- اكتر بكتييييييير اوى منك ( حرام عليك نشفت قلب البت )
سارة :- حرام عليك فجعتنى
كريم :- ليه هو كل ده لسة شاكة فى حبى ليكى
سارة :- ليه هو انا لو شاكة كنت كلمتك ثانية واحدة
كريم :- يا واد يا جامد والنبى عسل يا خواتى
سارة :- بس بقى عشان فيه موضوع مهم
كريم :- خيييير
سارة :- باسم اخويا بدء يشك فيا وكل شوية الاقيه ماشى ورايا فى الشارع ويعملها صدفة وكل شوية يقولى انت بتكلمى مين فى التليفون وكدا يعنى ...... ولولا ماما كنت زمانى روحت فى داهية
كريم :- ربنا يخلهالنا يا رب لحد ما اقدر اجى لحد عندك واطلب ايدك من باباكى واقوله يا عمى انا بطلب ايد بنتك سارة وعاوزها تكون مراتى وام عيالى لحد ما اموت
سارة :- بعد الشر عليك ده انا اموت وراك وبعدين كل سنة وانت طيب
كريم :- يااااااا ده احنا عيد ميلادنا كمان 3 اياام ( 1 /4 ) كل سنة وانتى طيبة يا قمر
سارة :- على فكرة ماما عملالك مفأجاة
كريم :- ايه هى ؟؟ ( استر ياللى بتستر )
سارة :- ما تبقاش مفأجاة ((( وتمر التلات ايام اوااااام )))
ويوم عيد الميلاد الصبح موبايل كريم بيرن
كريم :- الو
سارة :- الو صباح الخير
كريم :- صباح النور يا روحى وحشتينى اوى رغم انى لسة سيبك فى الحلم
سارة :- ههههههههههه - وكنت بتحلم بايه بقى ؟؟
كريم :- بيكى انت وبس
سارة :- كل سنة وانت طيب يا كريم
كريم :- وكل سنة وانتى طيبة يا سارة ونفضل مع بعض على طول لاخر يوم فى عمرنا
سارة :- يا ريت يا كريم على فكرة ماما جمبى وعاوزة تكلمك
كريم :- اوك ماشى
مامتها :- ازيك يا عمرو
كريم :- الحمد لله حضرتك عاملة ايه ؟
مامتها :- الحمد لله كل سنة وانت طيب
كريم :- هههههههه وحضرتك طيبة يا رب
مامتها :- انا عندى مفأجاة ليك
كريم :- اه ما سارة كانت قايلالى بس مش راضة تقولى اى هى المفأجاة
مامتها :- طب انت فاضى النهاردة بليل
كريم :- ولو مش فاضى اكيد افضى نفسى
مامتها :- طيب الساعة 7 استنانا قدام الدرس
كريم :- اشمعنا
مامتها :- ها تعرف فى وقتها وعشان نشوف حل لموضوع باسم
كريم :- اه اكييييد ( وانا كنت ناقص )
ويعدى النهار وطبعا كريم لبس الحتة اللى ع الحبل وجلجل شعره ورش كالونيا وحضر هدية جميلة جداااااا لاجمل بنت فى الدنيا حبيبته اللى فضل يحلم بيها طول عمره ويشوفها فى احلامه خلاص شاء القدر انه يجمعه بيها ويشوفها قدامه ذى الملاك ما يقدرش يوصف لسانه اللى شايفاه عيونه لانه يفوق اى جمال شافه فى الدنيا وقف قدامها مش عارف يقول ايه ؟؟ مش عارف يعمل ايه ؟؟؟ عاوز يبصلها وبس يمكن يشبع منها ..... مش عاوز يضيع ولا ثانية قدامها
ياااااااااااااه
كلام كتير جواه عاوز يقوله بس اكيد الزمن مش هيكفى حبه ليها هى كمان كانت مش عارفة تنطق ولا كلمة مش عاوزة ترفع عينها من عليه ..... عاوزة تعوض كل ثانية مش بيبقى قدام عنيها ...... نفسها تقوله بحبك يا كريم وياريت ماتبعدش عنى ولا ثانية بس مش قادرة ليه مش عارفة
وفجأة تنقطع لحظة الرومانسية ......
مامتها :- ازيك يا كريم ( ده وقته يا شيخة )
كريم :- الحمد لله حضرتك عاملة ايه ؟؟
مامتها :- كل سنة وانت طيب
كريم :- وحضرتك طيبة
سارة :- كل سنة وانت طيب يا كريم اتفضل ( لفة باين من شكلها انه دبدوب )
كريم :- وانت طيبة يا سارة وبرده كل سنة وانت طيبه اتفضلى
و إداها هديته واديته هديتها واتمشوا لحد كافيه
وهناك كانت المفاجأه.................
| |
|
punisher مشرف
. : الكلية : الجنس : الابراج : جنسيتك : عدد المساهمات : 16327 السٌّمعَة : 1 تاريخ الميلاد : 20/08/1984 تاريخ التسجيل : 25/04/2010 دعاء : العمر : 39 الهواية : المزاج :
خدمات المنتدي مشاركة الموضوع: مشاركة
| موضوع: رد: الحلقة السابعة .............. ( يوميات كريم و سارة ) الأحد مايو 16, 2010 3:18 pm | |
| يا عمرو من الواضح ان الاخوة الاعضاء مشغولين في المذاكرة اليومين دول وفر مجهودك وابداعك إلى مابعد الامتحانات تسلم على الحلقات يا معلم | |
|