الحلقة السادسة .................... يوميات كريم و سارة

الحلقه السادسه

كريم :- وفيها اى اتخضيتى كدا ليه ؟؟

سارة :- طب ولو عرف

كريم :- وهو ها يعرف منين وحتى لو عرف انا ها افهمه وبعدين يعنى هى حلوة ليه ووحشة لينا ... طب ماهو كمان بيحب وعايش قصة حب

سارة :- بس هو حاجة وانا حاجة
انت لو عندك اخوات بنات كنت هاترضى انهم يكلموا حد

كريم :- اولا انا عندى اخوت بنات بس لسة صغيرين .... ولما يكبره يبقى ربنا يسهل

سارة :- لا ها ترضى ولا لا قول ؟؟!!
( اى السؤال المحرج ده )

كريم :- بصى يا سارة مش كل الناس ذى بعضها
انا الحمد لله واثق من نفسى وعارف انى عمرى ما ها اضرك فى حاجة وعمرى ما هاذيكى
( هرب من السؤال بمعلمه )

سارة :- ( تنهيييييييد )

كريم :- مالك

سارة :- مافيش

كريم :- طب ممكن بقى اسمع منك كلمة بحبك

سارة :- دلوقتى

كريم :- اه طبعا امال بكره ههههههههههههه

سارة :- لا طبعا انا مش ها اقولهالك غير لما اتاكد مية فى المية انك بتحبنى

كريم :- انت كل ده ولسة ما اتاكديش

سارة :- يعنى ومش .....
( بوم اتقفلت السكة على ودن كريم طبعا كريم فهم ان فيه حد دخل عليها )

اتصل بعديها بشويه

كريم :- الو

سارة :- الووو

كريم :- ايه في ايه اللى حصل

سارة :- لا والله النمرة غلط
( وبردك قفلت السكة )

شك كريم شوية بس يمكن فيه حد جمبها وفقد الامل انه ممكن يكلمها تانى النهاردة
وكمل اليوم مع صحابه
وحكلهم على اللى حصل
وكله تمام ومرت الايام فى سعادة وسكينة
لحد ما سارة قالت لكريم انها حكت لمامتها عنه وان مامتها عاوزة تكلمه
طبعا كريم استغرب من الموضوع ده وكان كل مرة بيقولها ماشى بعدين طب هو انا اقولها ايه ؟؟
عادى كلمها وانت ها تعرف
وكان كريم قلقان اوى من الموضوع ده
بس اكيد هى لو ماكنتش عاوزة تخلى بنتها تكلمنى اكيد كانت منعتها وهو ده اللى كان مصبره ومطمنه

وفى يوم كان كريم
بيكلمها
وفجأة

سارة :- على فكرة ماما عارفة انى بكلمك دلوقتى وهى عايزة تكلمك

كريم :- طب سارة .....

سارة :- خد ماما معاك
((( يا خرابى على الزنقة ))

مامتها :- السلام عليكم

كريم :- وعليكم السلام ( ضاااااااااع الواد )

مامتها :- ازيك يا كريم

كريم :- تمام الحمد لله ازى حضرتك

مامتها :- الحمد لله

مامتها :- سارة كانت حكتلى عنك وبصراحة كدا انا قولتلها انها ما تكلمكش تانى بس هى مش راضية
وانت عارف بقى دماغها ناشفة
هههههههههههههه

كريم :- اه مانا عارف طب وحضرتك ليه كدا ؟؟

مامتها :- ياكريم انت ذى باسم ابنى وعارفة انك بدرى عليك صح ولا لا ؟؟

كريم :- مش بدرى ولا حاجة انا قدامى سنتين واتخرج من الكلية وساعتها ممكن انى اتقدم لسارة وبعدين سارة لسة صغيرة

مامتها :- يااااااا يا كريم ده انت لسة عاوز تكون نفسك ولسة قدامك جيش وموال
هههههههههه

طب وليه حضرتك ها تعقدينى (( الواد جاله احباط ))
ههههههههه

كريم :- انا بس اتخرج من الكلية وربنا يحلها ولا فيها جيش ولا حاجة باذن الله وبعدين انا بحب سارة وهى كمان بتحبنى .. وباذن الله نكمل مع بعض

مامتها :- مافيش حاجة اسمها حب فى الزمن ده انت بس علشان شايف سارة حلوة شوية فمعجب بيها مش اكتر

كريم :- لا والله العظيم انا بحبها بجد وعمرى ما اقدر اتخلى عنها ولا انى استغنى عنها فى يوم
((وفضل كريم كلمة من هنا وكلمة من هناك يقنع بيها والدة سارة بكلامه ))
(( وفعلا نجح فى انه يقنعها )) ( مقنع اوى الواد ده . )

واثناء المكالمة كان سامع صوت سارة جمب مامتها وهى بتقول قفشات وبتعلق على كلام مامتها زى
خلاص بقى عقدتى الواد
كفاية كدا
اشمعنا يعنى باسم

وكان بيضحك عليه هو ومامتها
وبعد ما المكالمة ما انتهت
حس كريم ان الدنيا بدأت تضحكله وان هم من على قلبه انشال
واول ما روح بيته اتصل بيها تانى واتكلموا مع بعض عن كلام مامتها وايه هو رد فعلها على كلام كريم
وقالت سارة لكريم ان مامتها معجبة بشخصيته وبكلامه
وانها عاوزة تشوفه وانها حكتلها على موضوع الدرس اللى بيروحه عشان خاطر عيونها
وانها ممكن تطب فى اى لحظة قال يعنى عاوزة تطمن عليها بس هى ها تيجى عشان تشوفه مش اكتر
واطمن كريم لكلام سارة
وانتهى اليوم بسلام



لحد ماظهرت مشكلة جديدة وهى ان باسم شك ان اخته بتكلم حد فى التليفون و ......



نكمل فى الحلقة اللى جاية