الحلقة الخامسة .............. يوميات كريم و سارة

الحلقه الخامسة

روح كريم وكل اللى بيحلم بيه انه يروح ينام عشان يحلم باجمل عيون وارق ابتسامة واروع صوت
روح وبيتمنى ان محدش يصحيه من حلمه الجميل اللى بقاله كتير بيحلم بيه
ونام عمرو على صوت الست

ياما عيون شغلونى لاكن ولا شغلونى
الا عيونك انت دول بس ال خدونى وبحبك امرونى
امرونى احب لاقتنى بحب
لاقتنى بحب وادوب فى الحب ..........

ونام كريم وطول الليل بيحلم بحبيبته
وصحى كريم من نومه على صوت تغريد العصافير وكأن الدنيا كلها فرحانه علشانه
حس كريم ان ده احلى يوم نام فيه من مدة طويلة اوى
وفكر كريم ياترى يتصل بيها ولا لا
فقرر انه يتصل ويصبح عليها ويعمل فيها الواد الرومانسى الجامد اوى
اخد الموبايل بتاعه واتصل الووووو
قفل السكة
كريم :- إيه ده !!!!! ده شكله صوت امها !!! اكيد هى فى المدرسة دلوقتى ؟؟!!
ربنا يستر
وخرج عمرو راح كليته
وفى اخر اليوم
اتصل بيها

كريم :- الو

سارة :- الو

كريم :- عاملة ايه ؟؟

سارة :- الحمد لله ....... وانت عامل ايه ؟

كريم :- مافيش احسن من كدا حاسس انى اسعد واحد فى الدنيا

سارة :- ( ضحكة خفيفة ) .. للدرجادى

كريم :- واكتر من الدرجادى كمان
انتى مش متصورة انا بحبك قد ايه ؟؟

سارة :- قد ايه !!!!

كريم :- قد عمرى ولو انه صغير اوى عليك ولو اتمنيت انه يطول فيطول عشانك انت وبس وعشان احبك انت وبس

سارة :- يسلام انت بتجيب الكلام ده منين

كريم :- ده بس عشان بممووووووت فيك

سارة :- طب انا عاوزة اسالك سؤال !! ( من اولها اسئلة )

كريم :- ايه هو ؟؟

سارة :- مش انت قولتلى انك فى كلية

كريم :- اه

سارة :- يعنى بتشوف بنات كتير واكيد فيهم الاحلى منى و.......
كريم :- بس عرفت انت عاوزة تقولى ايه
اشمعنا انت يعنى ؟؟

سارة :- اااااااااه

كريم :- اولا هما مش احلى منك ولا حاجة انت اجمل واحدة انا شوفتها فى حياتى كلها ولو لفيت الدنيا كلها مش ها الاقى الاجمل منك .... وثانيا الحب مش بأيدينا ولا باختيارنا

( سكوووووت )

كريم :- طب ممكن انا اسالك سؤال

سارة :- اتفضل

كريم :- انت حبيتى قبل كدا

سارة :- لالالالالالالا ............ انا اساسا اول مرة اكلم حد

كريم :- والله يا سارة وانا اول مرة احب فى حياتى وماكنتش اعرف انى ها ابقى مدهول كدا فى الحب وانى اللى ها احبها ها تبقى احلى واحدة فى العالم كله

سارة :- ههههههههههه مش اوى كدا يعنى يا بكاش

كريم:- والله العظيم بتكلم بجد

كريم :- بحبك

سارة :- وانا كمان

كريم :- يا لهوى انا مش قد كدا انا ممكن اموت منك

سارة :- لا بعد الشر عليك

كريم :- هو انت عيد ميلادك امتى ؟؟

سارة :- اشمعنا

كريم :- عادى بسأل

سارة :- 1/4

كريم :- لا بجد والله

سارة :- والله بجد فيها ايه

كريم :- والله العظيم انت 1/4

سارة :- اه انت مستغرب كدا ليه ؟؟

كريم :- ههههههههه اصل انا كمان مواليد 1/4

سارة :- هههههههههه بجد

كريم :- اه والله العظيم شوفتى بقى اللى احنا شبه بعض فى كل حاجة حتى اليوم اللى اتولدنا فيه !!!
يعنى احنا مخلوقين لبعض من قبل ما نشوف بعض

كريم :- على فكرة انا اتصلت الصبح وتقريبا مامتك هى اللى ردت عليا

سارة :- وايه اللى حصل ؟؟

كريم :- لا ولا حاجة انا قفلت السكة

سارة :- وكدا تقفل السكة فى وش ماما
هههههه

كريم :- طب وانا كنت ها اقول ايه

سارة :- على فكرة ماما طيبة جداااااااا وانا مش بخبى عليها اى حاجة خالص

كريم :- يعنى انت قولتيلها

سارة :- لا لسة بس اكيد ها اقولها لانى ماينفعش انى اعمل اى حاجة من وراها

كريم :- طب ولو رفضت

سارة :- ها احاول معاها و على فكرة كلنا كدا حتى اخويا

كريم :- اخوكى باسم

سارة :- انت تعرفه

كريم :- ااااه يعنى صحاب نص نص ماهو معايا فى الكلية

سارة :- يالهوى





نكمل فى الحلقة اللى جاية بقى