الحلقة الرابعة ...... ( يوميات كريم و سارة )

الحلقه الرابعه


اول ما كريم سمع صوت منى بتنادى عليه قلبه وقع فى رجليه
دخل اول ما سارة شافته جاى عليهم
راحت بصاله بصة عمره ما هينساها
( رفعت حاجب ونزلت حاجب )

وراحت سابت منى ودخلت هى على جواه ووراها مروة صاحبتها
كريم بينه وبين نفسه
( ياريتنى كنت مت قبل اللحظة دى ربنا يستر )

وطبعا فيه حيوان سلبنطح واقف بره مش همه غير حاجة واحدة بس
عمال يبص على صاحبة سارة ويعيش موهبته

دخل كريم
منى :- انت ليه يا كريم عملت كدا ؟؟

كريم :- عملت ايه !!

منى :- انت اتصلت امبارح بببيت ياسمين
( بص كريم لمنى وراح باصص فى الارض )

منى :- قالتله يعنى اتصلت

كريم :- اه

منى :- طب ليه ؟؟

كريم :- عشان بحبها

منى :- وانت مش شايف ان ده مش وقته خالص يا كريم اهتم الاول بمزاكرتك ( طبعااااااااااا ماهى ما تعرفش اللى فيها )

كريم :- طب ولو كانت هى السبب اللى بتخلينى اهتم بمزكرتى

منى :- يعنى ايه ؟؟

كريم :- يعنى انا عاوزك تخوشيلها دلوقتى وتقوليها ....
كريم واقف بره وعاوز يكلمك ثوانى
( وبعد ما كريم اقنع منى انها تبقى الوسيط دخلت منى وقالت لسارة )

منى :- كريم عاوز يكلمك ثوانى
( طبعا سارة استغربت تماما )

سارة :- لا طبعا مش ها اطلعله في إيه يا منى ... انا جاية هنا علشان الدرس وبس

منى :- وطى صوتك بس

سارة :- منى خليه يلم الدور عشان ما يحصلش مشاكل لان لو بابا عرف مش هيحصل كويس

منى :- اهدى بس كدا على العموم براحتك انت حرة

منى :- مش ها ينفع يا كريم
كريم :- هى بتعمل كدا ليه ؟؟ هو انا لعبة فى ايديها
( دخل حودة على كلام كريم )

حودة :- فيه ايه

كريم :- مافيش حاجة يلا بينا نمشى

منى :- طب والدرس يا كريم استاذ محمد زمانه جى

كريم :- ينحرق
( ومشى كريم وعفاريت الدنيا بتتنطط فى وشه )
راح هو وحودة على كافيه كالمعتاد
وحودة يهدى فى الواد
وكريم كل اللى شاغله حاجة واحدة بس
وما بيسالش نفسه غير سؤال واحد
.......... هى ليه بتعمل كدا ........

كريم :- هى ليه مرة تخلينى طاير فى السما ومرة تانية ترمينى فى سابع ارض

حودة :- يا جدع اهدى فكك منها وحيات امك يا كريم

كريم :- والنعمة ما انا سايبها غير لما اعرف اى السبب هو ايه انا جزمة ف رجلها تقلعها وقت ما تقلعها (يا واد يا جامد )

حودة :- يبنى هو ايه اللى حصل لكل ده

كريم :- يا عم انت يعنى مش شايف بليل كانت تمام اوى وبتكلمنى بكل هدوء وتقولى افكر

حودة :- ما يمكن فكرت

كريم :- خلاص لو فكرت تقولى انا مش تفضحنى كدا

حودة :- هى طبعا غلطانة بس اهدى بس

كريم :- ااااااوووووووووووف

وفضل كريم وحودة فى الكافيه لحد ما الخطيب جالهم
حكولوا اللى حصل
طبعا المعلم استغرب جداااااااااااا
واتفقوا انهم لازم تبقى نهاية الموضوع بليل ويتصل المعلم بيها
وافق كريم على كدا
وبليل
قبل ما يوصلوا لبيتها
شافوها هى وصحبتها مروة مروحين
كريم اول ما شافها كان ها يجن

كريم :- اى الجمال ده

حودة :- يا خرابى

الخطيب:- طب ماهو من حقها يا عم تدوخك وراها

حودة :- شششششش شايفين صاحبتها والزعطلون اللى لبساه عامل ازاى عليها

الخطيب:- على قفاه ( بوووووووم ) يبنى احنا فين وانت فين

حودة :- يا جدع وسع ايدك

الخطيب :- ياجدع اسكت

كريم:- اهدى يالة

حودة :- ماشى يا باشا

( وصلت سارة صاحبتها وهى راجعة عشان تروح اخدت بالها من كريم اول ما شافته نزلت عينها فى الارض ومشت وهى موطية وشها لحد ما وصلت بيتها )

كريم ما استناش راح على السنترال واتصل

السماعة اترفعت

نفس الصوت اللى بيحلم يسمعه على طول
صوت ملاك اجمل صوت لاجمل انسانه شافها

سارة :- الو

كريم :- انت ليه عملتى كدا ؟؟

( سكتت )

كريم :- نفسى اعرف انت ليه بتعملى كدا فيا ؟؟؟ يعنى انا غلطتى انى صارحتك من اول مرة و قولتك انى بحبك يا سارة يا ارق من النسمة واجمل من الياسمين
قولتيلى انك ها تفكرى مش انك ها تفضحينى بالشكل ده
( سكووووووووت منها )

( مش سامع غير تنهيدها ونبض قلبها )

كريم :- حتى لو كنت رافضة كنت صارحينى مش ها ازعل
يمكن اكون ازعل انى خسرت اجمل عيون وارق صوت
لاكن كنت ها احترم رأيك
وهاتفضلى انتى سارة هى هى اللى اخدتنى من كل الناس اللى حوليا بنظرة من عينها
( سكوووووووت ) ( بصراحة الواد ثبتها تثبيتة نااااااااااار )

كريم :- ساكتة ليه

سارة :- مش عارفة اقولك ايه

كريم :- انت ليه عملتى كدا

سارة :- خايفة

كريم :- من ايه ؟؟

سارة :- منك

كريم :- منى انا طب ليه !!

سارة :- خايفة يكون اول حب ليا اكبر جرح ليا

كريم :- طول ما انتى معايا ما تخافيش من اى حاجة
لانى عمرى ما ها اخلى العيون دى تدمع دمعة واحدة لان ما فيش اى حاجة فى الدنيا تستاهل دمعة واحدة من عيونك
واوعدك انى عمرى ما ها ازعلك فى يوم

سارة :- ماشى

كريم :- ماشى اى ؟؟

سارة :- ما انت عارف كل حاجة ( بضحكة خفيفة )

كريم :- انا عاوز اسمعها منك

سارة :- على فكرة ماما نايمة وخايفة تصحى وبابا زمانه جى

كريم :- ما انا مش ها اقفل غير لما اسمعها منك

سارة :- كريم انت بتحبنى بجد

كريم :- يا لهوى كل ده ولسة بتسالى دلوقتى اعمل اى عشان تصدقى انى دايب فيك

سارة :- ولا حاجة

كريم :- طب بقى اسمعها منك

سارة :- وانا كمان

كريم :- انتى كمان ايه ؟؟

سارة :- يلا بقى عشان ماما ما تصحاش
تصبح على خير

كريم :- وانت من اهله يا اجمل ملاك شفته فى الدنيا

و كريم ما كنش عاوز يحط السماعة ابدا من ايده
وطلع الولهان برة وكله شوق عاوز يكون اخر صوت سمعه هو صوتها

واول ما طلع قدام السنترال سمع

( يا غزال يا غزال اى الاوام ده ارحمنى بقى وحن علينا )

والخطيب ميت على نفسه من الضحك

الخطيب :- اهو كدا من ساعة ما انت ما دخلت

كريم شده من قفاه

كريم :- حرام عليك يا جدع ضيعت اجمل لحظة فى حياتى انت اى حيوان ما بتحسش


حودة :- يا جدع سيب كدا بس ده البت كانت ها تيجى
انتى يا مزة استنى
انا جى اهو

الخطيب و كريم :-
ههههههههههههههههههههههههه


وانتظروا اجمد الحلقات