طول عمرى بحلم بيك وبجد نفسى الاقيك

حبيبى :ياترى انت فين؟ طول عمرى بدور عليك وبحلم باللحظه اللى فيها الاقيك

ياترى بتدور عليا زى ما بدور عليك؟
بتحلم بيا زى ما بحلم بيك؟
بتفكر فيا زى ما بفكر فيك؟
قلبك بيحن ليا زى ما قلبى بيحن ليك؟

انا عارفه انك موجود بس يا ترى هنتقابل ولا هنعيش طول عمرنا ندور على بعض

ياترى هشوفك وهتشوفنى هاحسك وهاتحسنى هاكلمك وهاتكلمنى ولا هتبقى مجرد حلم بشوفه فى منامى

"اوقات لما بيوحشنى بلاقينى حلمت بيه واهى حاجه وبتعيشنى احساس محتاج اليه"

حبيبى
هتصدقنى لو قلتلك بالرغم من انك بعيد عنى بس بحس انك قريب منى

تعرف حبيبى

بحس بيك فى كل لحن هادى بسمعه بحس باحساس جميل بيلمس قلبى

"ده اللى بحس بيه وانا بين ايديك عملت ايه احساس جميل واخدنى ليك"

ولما بسرح مع نفسى
بحس بطيفك حواليه
بشوف صورتك ادام عنيه

بسرح معاك فى دنيا تانيه....دنيا الاحلام الورديه .,....دنيا الحب والرومانسيه

احساس جميل بتمنى اعيشه معاك ...اجمل مشاعر ممكن تلمس قلب بشر

حبيبى
انت عايش جوايا وفى كل لحظه بتبقى معايا

وعارفه انك حاسس بحبى وهوايا

ياترى حبيبى هتحققلى منايا

وتيجى تقولى انا جتلك يا حب عمرى وهاخدك لدنيايا

ولا هتسبنى عايشه فى آلامى من غير ماعرف دوايا

بوعدك حبيبى

يوم ما تيجى لحظه لؤاك

هاكون ليك نجمه تنور سماك

هاتعيش معايا اجمل احساس فى الوجود

واقولك ياااااااااااااااااه مش مصدقه انك موجود

والله حبيبى وربى المعبود

عشت عمرى اتمناك واعيش معاك احساس مالهوش حدود

وساعتها هاقولك

"انا بقدم قلبى آه لو تقبله وآدى كمان عمرى كانه فى اوله"

حبيبى
تيجى نقسم العالم نصين

السما ليك والنجوم ليا

البحر ليك والموج ليا

ولا اقولك...بلاش

كل الدنيا ليك وكفايه انت بس ليا

"بحبك حبيبى"

بقلمى : كتبت احساسى....سلوان

بجد يا اميرة رائع اوووووي بجد بداية حلوة اوي

بس لو كان كلة بقافية كان هيبقي حلو اوي

وفية حجات صغيرة اوي مش في مكانها

بس بجد تسلم ايدك رائعة بجد احساسك حلو اوي

ميرسى اوى ع ذوقك ربنا يخليك

على فكرة انا اصلا مش بعرف اكتب اوى انا بس عبرت عن احساس جوايا

بس ان شاء الله المرة الجايه احاول اكتب بطريقه احسن

واحاول اكون متمكنه اكتر

ومرة تانيه ميرسى اوى ع مرورك الجميل

ع فكرة يا جماعه انا اسمى سلوان عشان كان فى ناس كتير فاكرة ان اسمى اميره بجد

تعرف حبيبى

بحس بيك فى كل لحن هادى بسمعه بحس باحساس جميل بيلمس قلبى

"ده اللى بحس بيه وانا بين ايديك عملت ايه احساس جميل واخدنى ليك"

بداية جميلة يا توتا بجد واحساس رائع واجمل ما فية انة كلام منك انتى واحساسك انتى ومنتدى احباب يزداد تلاقا بيكى يا سلوان وبتمنى منك المزيد وخصوصا كمان انك بنت بلدى يعنى لازم تشرفينى

بجد جميل اوى
تسلم ايدك

ايه ده يا بت يا سلوان
ايه الجمال ده
مكنتش اعرف انك بتعرفى تكتبى حلو اوى كده
يخربيتك....
لابجد احساس اكتر من رائع
وكلاااااام فى منتهى الرقة
اسسسسسسستمرى يا قمر[b]

ربنا يخليكى يا نور يا حبيبه قلبى يارب
بقى كل الكلام الجميل ده عشانى انا

مانتى بردو كلامك جامد جدا انا بجد مش بجامل

وميرسى اوى ع مرورك يا حبيبى

تعرفى انك وحشتينى اوى

كلامك جميل اوى ياسلوان
تسلم ايدك يا قمر

rosa ربنا يخليكى يا

ميرسى على ذوقك ومرورك الجميل

حبيبى
تيجى نقسم العالم نصين

السما ليك والنجوم ليا

البحر ليك والموج ليا

ولا اقولك...بلاش

كل الدنيا ليك وكفايه انت بس ليا

لالا مين دى توتا اللى كاتبه كده
يااااااااا على الرومالنسيه
امال فين اللى نازله فيا ضرب ليل ونهار
هههههههههههه
لا بجد انتى اصلا رومانسيه من غير ما تكتبى
كلامك جميييييل اوى بجد الله ينور
تسلم ايدك عايزين نشوف من ده اكتر بقا واحسن ان شاء الله

احساس اكثر من رائع فى الكتابه سلمت يداكى وفى انتظار المزيد

حسبى الله ونعم الوكيل فيكى يا بوسى

حرام عليكى يابنتى شردتينى

يقى انا نازله ضرب فيكى ليل ونهار

مااااااااااااااااااااااشى لما اشوفك هوريكى الضرب على اصوله

بس يالله هعديها المرادى عشان مرورك الجميل بس

وعشان وحشانى اوى

تسلم ايدك يا سلوان بجد اكثر من رائع

ميرسى ياخلود على مرورك المشجع

غايه فى الاحساس ياسوسو

بجد تسلم افكارك ومشاعرك محاسيسك العاليه جدااااا

يارب دايما متميزة

ميرسى ياعلاء ربنا يخليك

متشكرة اوى على ذوقك ومرورك الجميل

ايه ده بجد كلام جميل اوى اوى اوى واحساسك بيه عالى اوى اوى اوى

بجد كتبتك جميله ايه ده يا قمر

لا والله تسلمى بجد وكلام فى منتهى الجمال

ويبخته والله

بجد نيس توبيك

فعلا يا بخته
بجد كلمات حلوة اوى
تسلم ايديك

مش هقدر اقول غير اننا كسبنا شاعرة جديدة متميزة فى المنتدى

بس ليا طلب صغنووووووووون

انتى كلامك جميل اوى وبتقولى اللى انتى حساه يبقى بلاش تدخلى اغانى فى نص الكلام

دى وجهه نظر قابله للرفض طبعا

واسفه للتدخل والاطاله

ميرسى يا مايوي ع مرورك الجميل

وميرسى ليكى اوى يا يمنى واكيد طبعا بحترم وجهة نظرك جدا بس انا بيبقى كل قصدى من الاغنيه انى بحس انها بتعبر عن الكلام اللى انا بقوله او بمعنى اصح بتوصف احساسى فى كلمتين

بس نقد مقبول طبعا وميرسى على مرورك يا جميل ومتشكرة جدا على كل الكلام الجميل الى قلتيه ف حقى