سؤال.........؟؟

بسم الله الرحمن الرحيم

الموضوع دا انا عايزة اراء شباب المنتدى فيه ومفيش مانع من مشاركات البنات كمان

المهم

اكيد سمعتوا عن برنامج اسمو صبايا
كان عارض من فترة قصة بنت اسمها سناء او مش فاكرة اسمها اية
قصتها ان ابن عمتها رماها بمية نار فى وشها وحط على مية النار بويا علشان تلزق فى وشها
وهو عمل كدا لانو اتقدم لها وهى قالت لو انت زى اخويا واتخطبت لحد تانى
بجد لو شفتو منظرها منظر يبكى بجد وسبحان الله البنت كانت زى القمر
البنت دى طلعوها من المستشفى الى كانت فيها وهى تبع الجيش لان فلوسها خلصت
ولما سالوها شفتى شكلك فى الرايا قالت ايوه
ولما سالوها وعملتى ايه وقتها قالت قلت الحمد لله
لما سالوها بقى عن خطبها سابك ولا ايه
قالت لا لسة معايا وقالت قاللى عمرى ما هسيبك وهفضل حنبك لاخر يوم فى عمرى

سؤالى بقى

لو انت مكان خطبها دا وشفت منظرها البشع دا تخيل مفيش معالم فى وشها هيكون تصرفك ازاى؟؟

ولو انت مكان ابن عمتها دا ممكن تعمل الى هو عملوا دا؟؟

تقبلو تحياتى
خلود

الاول ابن عمها دة مفيش انسان فى الدنيا ممكن يعمل اللى هو عمله دة

دة بجد معندوش قلب خالص والله

وبالنسبه لخطيبها بقى فمعظم الرجاله كدة وخصوصا لما تكون لسه فى فترة الخطوبه

مش بيكون عنده استعداد يكمل مع واحدة مشوهه

بس فى قضيه سناء بالزات انا يمكن كنت مقدرة موقف خطيبها شويه

عشان هو مستواه المادى مش كويس وهى عايزة علاج كتير

وعمليات كتير

يمكن هو دة كان تفكيره الله اعلم

بجد تسلم ايدك على التوبيك ده يا خلود
وانا شوفت الحقله دى وقد ايه قصرت فيا
وبجد ربنا ينتقم من ابن عمها مقدرش اقول غير
كما تدين تدان
وخطبها الموقف اللى هو عمله ده مش جديد عليا عشان اثناء شغلى قبلت قصه مشبه لى دى
ان بنت كانت مخطوبه لى ولاد قمر
فى كل حاجه والله بس البنت حصلها حدثه مش هتقدر تمشى تانى ولا حتى تقوم من السرير ورغم ده خطبها عاوز يجوزها بعد سنه
ربنا يا رب يرزقنى بواحد يحبنى زى ده وكل بنات المنتدى
بس من غير حادثه
تسلمى يا قمر

بجد نورتونى يا جماعة

ميرسى مرورك يا يمنى

ميرسى لمرورك يا محمد

ميرسى لمرورك يا علاء

ميرسى لمرورك يا رحاب

اولا لتتصرف ابن عمها دا حتي الحيوان عنده رحمة في كدة

وحكاية ان تفكيرة يوصل لمية نار يبقي اصلا دا صايع ومن الشباب البيئة

اما مع احترامي لكل الي ردووووووو لخططبها اقسم بالله العلي العظيم

كلة كلام في الهوا الواقع غير الكلام " انا بالنسبة لية هي معالمها راااااااحت خالص وبقت مشوهه وخلاص دة قدرها" انا مش هسبها اه بس هتجوز تاني

واخليها علي زمتي واعيشها معززة مكرمة مش هرميها

هو دة الواقع والمعقول

معقول جدا كلامك يا محمد

ميرسى لمرورك

اولا تسلم ايدك يا خوخه على موضوعك دا

ثانيا ابن عمتها دا مش انسان اصلا سمعتيه لما المذيعة سالته انت اللى عملت كدا رد عليها وقال لها لا دا انا كنت واقف وحد جه ورمى علينا مية النار من برا يعنى المفروض انو لما يتصاب الميه تيجى فى ظهره مش فى وشة وايده.

خطيبها دا بقى ربنا يجازيه خير على وقوفه جنبها وانو مسبهاش فى الظروف دى

وربنا يشفيها وترجع زى ما كانت

تسلم ايدك يا خوخه

تسلمى انتى يا سمسمه امرورك

الاول تسلم ايديكى على التوبك الرائع ده الاول ابن عمها لايمكن انه يكون انسان ده حجر لان الانسان فى قلب وبالنسبه لموقف خطبها انه واقف جمبها ده شىء كويس وثوابه عند ربنا لكن انتى قولتى لوكنت مكان خطبها هنعمل ايه اولا كل اللى اخواتى وصحابى قاولوا دى حاجه رائعه بس الاول منثقش بكده عشان احنا مش فى الموقف مش يمكن لوكنا فى الموقف نغير راينا سعاتها على راى المثل اللى ايده فى الميه مش زى اللى ايده فى النار ولا ايه وبجد تسلم ايدكى ياعسل

نورتينى يا لولو