بحبك اوى بس شكلك مش اوى

السلام عليكم ورحمة الله وبركاته

ازيكم يا ناس يا للى هنا

النهاردة عايزة اخد رءيكم فى حاجة حصلت مع بنوتة عسوله خالص وحبيبتنا كلنا فى المنتدى

البنوتة دى حبت ولد من ع النت ولحكمة ربنا ومع انها مش بتحصل كتير او مش بتحصل خالص

الا انه هو كمان حبها هنعمل ايه بقى ربنا عايز كدة

المهم بعد ما حبوا بعض اوى

كانوا بيتكلموا طول مدة الصيف ع النت وفى الموبيل وبس

وبدئت الدراسة وفتحت الكليات والمفروض انه هينزلوا يتقابلوا ويشوفوا بعض

وهنا بدئت المشكله

الولد لما شاف البنوتة اتغير اوى من نحيتها
اتغير فى كل حاجة نقدر نقول كدة انه بقى يبعد عنها واحدة واحدة

ولما سالته ايه السبب قالها بصراحة انا كنت راسملك ملامح تانية خالص وشكل تانى خالص غير كدة

المهم انه بعد ما حبها من زوقها وروحها وتدينها وخفة دمها واسلوبها

بعد عنها لمجرد انها مش حلوة اوى زى ما كان هو متخيلها

عايزة اعرف رئيكم دلوقتى

انت \ او انتى ممكن تبعدوا عن حد حبتوا اوى عشان فى صفات كتير جميله لمجرد انه شكله مش حلو اوى

يعنى عايزة اعرف الشكل بيمثل ليكم ايه

وهل جمال الطبع اهم ولا جمال الشكل والملامح

اولا ميرسيي يا يمنى على الموضوع بتاعك اللى انا عارف اطرفة اللى هما فعلا معانا على المنتدى بس واحد ساب المنتدى

بس اللى حصل دة مفهوش اى علاقة بالحب

ثم ان النت او الموبايل ما مجرد ا وسيلة متحكميش هى صح ولا غلط

انما اللى يدور على جمال الطبيعة يبقى عمرة ما حب جمال الطبع يبقى هو اسااسا محبهاش لانة كان بيدور على طبيعبة بالرغم انة اعترف ان الطبع عجبة

يمني الموضوع دة اساسا ملهوش علالالالاقة باي حب ولا حتي مشاعر هو فية مشاعر بالاتصالات

المشاعر بنحسها بالمعاملة والقرب والحب لازم يكون من نظرة عين مش انت وحظك يا بنتي مفييييش حب علي النت

وهو لو قالها كلمة بحبك يبقي كداب وهي لو كانت قالت كدة تبقي كدابة وبيشتغل بعض ويستحقوا كل الي حصل

مثلا اعجاب بشخصيتك ماشي وهندي بعض فرصة نشوف بعض لو حبوا بعض ماشي مع ان الحب مش بالترتيب بس لو حبوا ماشي

محبوش ولقاها تناسبة وينفع يرتبط بيها ماشي فهممممممممتي ولا لا

الله ينور عليك يا محمد

والله انا بردو رئى كدة

وقولتلها بس هى دماغة .................

وعجبنى اوى يا محمد تمسكك بنظرة العين دى اوى هههههههههه

ميرسى ليكوا اوى

يمنى الموضوع من اوله غلط هى محبتهوش هى مجرد اتعلقت بى وعلى فكره حتى لو كانوا استمروا مع بعض
فى اى مشكله ما بنهم دا انا عرفك من على النت انتى زى اى وحده بتتعلق باى كلام حلوه
وعايزا اقولك لو بيحبه بعض بس بطريقه غير النت ان الشكل مش مهم
انا اعرف بنات قمرات بيحبه ولاد والله مش حلوين اطلاقا بس القبول ده من عند ربنا
والعكس صحيح فى ولاد حلويين اوى لو شوفتى اللى بيحبوهم هيصعب عليكى الولاد دول
على فكره الحب مش حب شكل الحب ده حاجه من القلب ربنا وضعها فى قلبنا
وشكرا جدا يا يمنى على موضيعك وعلى فكره يا يمنى انا مش عرفه انا بحبك جدا كده ليه
بحس ان دماغك زى دماغى فى كل ردودك على الموضيع

يا نهار ابيض زى تيشرت الزمالك ههههههههه

دلوعة المنتدى بتحبنى

دة شرف ليا يا جميل والله

وانا كمان والله بحبك جداااااااااا

وميرسى لمرورك الجميل وكلامك الرقيق

على فكرة يا يمنى كل اللى حصل ده مالوش دعوة نهااااااااااااائى بالحب

لان انا مؤمن اووووووووى بالحكمة اللى بتقول مابنى على باطل فهو باطل

و ماينفعش ان اتنين يحبو بعض من غير ما يشوفو بعض لان ده مش هيبقى اسمه حب

ده يدوب اسمه استهبال

الف الف شكر يا قمر على مواضيعك الجامده دى يا قمر تسلم الايادى

اللي عمله صاحبنا ده لما شاف البنت ولقو ملامح مختلف عن الخيال معني هذا انه لم يحبها اصلاا او يفكر في الحب
اعتقد ان صحابنا ده من النوع المنظر بس يعني هو بيحب شكلاا فقط وليس بالمعني الاساسي للحب من الاخر
ده مش حب
بس محدش يقول مفيش حب علي النت

ميرسى لمرورك يا عمرو

الف شكر ليك يا محمود

ويارب تقتنع بكلامكم

» بحبك يا مصر
» بحبك..احبينى
» حاسه بحبك
» امى بحبك لحد اخر يوم فى عمرى
» نفسى اقولك بحبك