شرح محاضرات الاقتصاد بشكل مبسط >>>

بصصوا يا جماعه..

ما انتوا بصوا وافهموا بقة قلت افهموا فاهمين


انا هشرح واتكرم واتنازل واتوضع ههههه

وصحصحوا معاية كدة لحسن اعمال السنة فى ايدى ايوووووووة انتوا حريان

بصوا بقة





الاقتصاد ده.."هو علم انسانى او اجتماعى يدرس السلوك الاقتصادى الانسانى لكيفية الحصول على الدخل ثم كيفية انفاق الدخل لاشباع الحاجات"


يعنى ايه الكلام ده؟


هقولك..

هعملكوم متال عن واحد اتجوز اوك

يعنى مثلا دلوقتى واحد متجوز..وعندو اسره وبيت عاوزين مصاريف..


فانا بدرس حالتى الاقتصاديه..بشوف ايه الحاجات اللى انا عاوزها..عاوز فلوس عشان مصاريف المدارس..عاوز فلوس عشان الاكل..عاوز فلوس عشا..........وهكذا..


طب انا هاجيب الفلوس دى منين..؟يبقى لازم اشتغل واحصل ع رأس المال عشان انفق منه..


طب وهعوز رأس مال قد ايه..؟ واما اجيبه هاصرفه فى ايه الاول..؟؟
وابدأ ارتب اولوياتى واحتيجاتى حسب الحاجه المطلوبه والموارد اللى عندى اللى اقدر اسد بيها الحاجه دى..


دا تقريبا تعريف علم الاقتصاد..


وبيقولك انا الاقتصاد كعلم مش مستقل عن باقى العلوم..


يعنى السلوك الاجتماعى بيأثر ويتأثر بالسلوك الاقتصادى..


زى مثلا لو دوله فقيره..بتلاقى تكثر فيها الجرائم وكده..


وكمان الاقتصاد بيعتمد على بعض العلوم التانيه زى الرياضه والاحصاء..وعشان كده احنا بندرسوا رياضه واحصا..



اظن كده تومام لحد دلوقتى؟انا لسا ماقولتش حاجه..


والاقتصاد ليه فرعين..نوعين يعنى فى الدراسه..


اقتصاد جزئى و اقتصاد كلى..



الاقتصاد الجزئى.."بيدرس السلوك الاقتصادى للوحدات..يعنى بيركز على كل شىء مفرد لوحده..
سلوك مستهلك واحد..او منتج واحد..او سوق سلعه واحده.."


يعنى اى حاجه بيتم دراستها لوحدها بشكل مفرد..


اما الاقتصاد الكلى.."فهوه بيدرس سلوك القتصاد ككل..يعنى مابيهتمش بسلوك المستهلك لوحده..
او المتح..وهكذا.."


يعنى هوه بيهتم مثلا.. بالناتج القومى..او الدخل القومى..او معدل البطاله على مستوى الاسعار..


حاجات عامه كده..


شوية وهكمل الباقى ان شاء الله..


المهم تكونوا فاهمين لحد كده..


يااااارب تكونوا فهمتوا حاجة بقة

يا فشلين انتوا زى حالاتى كدة هههههههههههههه

شكرا بس انا الكلام ده متهي لي ان انا سمعته قبل كدة
مش فاكر فين بالظبط
هو دي محاضرة اولي؟
ممكن الله واعلم اصل انا مبحضرش محاضرات من ساعة ما حطوا الصبيان في مدرج والبنات في مدرج

هههههههههههههههههههههههه
اه والله احنا فشلة
واخر مزهقنا ان البنات في مدرج والصبيان في مدرج روحنا حاضرين محاضرة في الاداب والله
وواتكلمنا مع موزة جامد اوي مقدرش اقول علي اسمها

هههههههههههههههههههههه

يعينى عليكوم لا انتوا كدة صعبتوا عليا وهيعط بقة


يا لهووووووووز ادة هو انتوا فى مدرسة


انا اول مرة فى حياتى اشوف كلية غريبة غربنة زى الكلية بتاعتكم دى

ازاى يعنى البنات فى حتة والولاد فى حتة حاجة غريبة

لا دة انتوا كدة المفروض تعملوا مظاهرات

ههههههههه لا خليكم بقة متروحوش الكلية ما انا عارفكم مش ريحين

تتعلموا شوفتوا بقة ربنا عشان انتوا اصلن داخلين الكلية ونيتكم

سودء

هههههههههههه طب والله فرحانة فيكم احسن ههههههههههههههههههههه

هههههههههه

اااااة يابنى طبعا انا اصلن اللى اخترعت الفشل ذات نفسيتوا

دة انا جيبة مادتين فى اولة تجارة اسكت اسكت

طب ايشطة يانور اهو اتعرفتوا على موزة ياعم الله يسهلوا

ههههههههه

حاضر يامحمود هبقة اكمل

ههههههههههههههههههههههههههههههه
معلش
يا منا
اصلي اتخنقت
احنا فعلا في مدرسة مش في كلية

اكيد طبعا
والله ان شاء الله يعني لحول السنة الجاية
يا اما
لاسكندرية
او اروح المحلة مع بن عمي
ونعيش هناك ومحدش يبقي له كلمة عليا
واصيع بقة بجد