بالصور فضيحه فى الاستاد العام

مش هقول حاجة ومش هعلق عشان الصور مش عايزة تعليق

ولا مستنيه الماتش يتعاد والزمالك ياخد حقه

انا بس منزله الصور عشان الفتايين

اللى بيقولوا الحكام بتساعد الزمالك

يبقوا يقارنوا بين الصور دى وصور تانيه من ماتشات فرقتهم

لو تفتكري مباراة الدور الاول بين المقاصه والزمالك

سبحان الله نفس الشئ

كان هناك ضربة جزاء صحيحه للمقاصه ولم تحتسب
الجول الصحيح ال اتلغي لزمالك ده قصاد الجول الاوفسايد ال اتحسب لجفعر ف المقاصه الدور الاول

أحمد شوبير : الحكم لم يحتسب ضربة جزاء صحيحة وهدف لصالح
الزمالك
أكد الاعلامى الكابتن أحمد شوبير من خلال تصريحات تلفزيونية أن حكم المباراة الكابتن ياسر محمود لم يحتسب ركلة جزاء صحيحة لصالح الزمالك أمام المقاصة ضمن منافسات الأسبوع ال23 للدورى العام

ذكر أحمد شوبير من خلال تصريحات لبرنامج " كورة مصر" والذى يذاع على قناة " مودرن كورة" أن حكم المباراة ياسر محمود لم يحتسب ركلة جزاء صحيحة لنادى الزمالك اّثر لمسة يد واضحة من داخل منطقة جزاء المقاصة خلال أحداث الشوط الاول

وتابع شوبير أن مساعد الحكم الأول أكمل المأساة بعدم احتساب هدف صحيح لمصلحةالزمالك فى الدقيقة الاولى من الوقت بدل الضائع بداعى التسلل فى الوقت التى أثبتت فيه الاعادات التلفزيونية أن مدافع المقاصة كان فى حالة تغطية تامة على الدفاع

وخسر الزمالك فى مفاجأة أمام المقاصة ضمن منافسات الاسبوع ال23 فى المباراة التى أقيمت باستاد القاهرة الدولى ليتساوى الاهلى مع الزمالك



: أيوا كورة

كانت امتى وفين وازاى ضربة جزاء المقاصة دى

ياريت فيديو او صورة عشان نفتكر بس

عشان منبقاش بنحدف كلام وخلاص يعنى

بالنسبة لهدف جعفر كان تسلل اة من يومها واحنا معترفين عادى يعنى

بس دة يدى الحكم الحق فى اللى عمله النهاردة يغنى ولا ايه

ده هدف التسلل
بتاع جعفر



وهدور على ضربة الجزاء

اقتباس :

كانت امتى وفين وازاى ضربة جزاء المقاصة دى

ياريت فيديو او صورة عشان نفتكر بس

عشان منبقاش بنحدف كلام وخلاص يعنى

جبتلك مقاله هتفكرك
أكد محمد حسام الدين رئيس لجنة
الحكام في اتحاد الكرة خلال تعليقه على قرارات التحكيم في لقاء الزمالك
والمقاصة الذي انتهى بفوز الزمالك 4-3 ضمن منافسات الأسبوع الثامن للدوري
أن الهدف الثاني الذي أحرزه أحمد جعفر مهاجم الزمالك جاء من تسلل واضح لم
يحتسبه الحكم المساعد .

وأضاف رئيس لجنة الحكام خلال تعليقه على أداء الحكم الدولي حمدي شعبان الذي
أدار اللقاء وأكد أن شعبان أراد إدارة اللقاء دون تدخل واضح منه في
القرارات وهناك العديد من الألعاب التي تخضع لوجهة نظره ويسانده فيها أيضا
القانون.

وأشار إلى أنه كانت هناك ضربة جزاء للمقاصة في الدقيقة 81 من اللقاء بعد
إعاقة حسن مصطفى لاعب الزمالك لمهاجم المقاصة أيمن كمال ولكن حكم اللقاء لم
يشاهد اللعبة.

وأوضح رغم أن الإعاقة كانت خارج منطقة الجزاء إلا أنها استمرت أيضاً داخل
المنطقة ومن حق حكم اللقاء أن يحتسب العقوبة الأشد وهي ضربة الجزاء وربما
كان يتعرض لاعب الزمالك أيضاً للطرد.


افتكرتيها كده ؟

اقتباس :

بالنسبة لهدف جعفر كان تسلل اة من يومها واحنا معترفين عادى يعنى

عادي يعني ازاي انا موش فاهم
هدف تسلل مينفعش نقبلها لينا ونحرمها على غيرنا

مبدئيا كدة انا قولت على هدف جعفر تسلل

وعايزة فيديو ضربة جزاء

وسيبك من كلام حسام لانه كان اكبر قرطاس للاهلى

وهو اللى اعترف بكدة بنفسه بعد ما ساب لجنه الحكام

بالنسبة لاننا بنحلل التسلل لينا ونحرمه على الناس

فانا ما قولتش هدف تسلل عادى يعنى كل مرة نجيبه ونفرح بيه

بس قولت احنا اعترفنا بيه لكن فى ناس تانية بتجيب تسللات وضلابات جزاء وبتفرح وبتموت من الفرحه

ومش بتعترف انها مش من حقهم

عايزة اسالك سؤال لو شوفت الماتش ايه رئيك فى الحكم

وعلى حسب الاجابة هعرف اكمل مناقشه ولا ارتاح واريحك

ومستنية فيديو ضربة الجزاء اللى تقنع اى حد فاهم كورة

اهدى بقى يا محمد

ولا اقفل التوبيك ونريح

اوك هسبني من كلام حسام
شوفي الدقيقه 8.5

الدقيقه الثامنه وخمس ثواني واحكمي بنفسك

اقتباس :

عايزة اسالك سؤال لو شوفت الماتش ايه رئيك فى الحكم

طبعا شوفت الماتش
والتحكيم كان معقول مكنش فيه الظلم البين اللي الكل هيعمل عليه قصص وافلام زي كل ماتش
انا عاوز افهم حاجه
انتو ليه حاسين ان العالم كله ضد الزمالك
ابراهيم حسن غذى جواكم الاحساس ده لحد مصدقتوه
فكري كده بينك وبين نفسك
ولو كان الحكم بيلعب ضد الزمالك مليار الميه
على الاقل كنا شوفنا انياب هجوميه لنادي الزمالك اللي بيلعب كامل قدام فريق ناقص العدد

والانكت من كده ان طارق يحى بعد مجاب الهدف طلع مدافع ونزل واحد هجومي

ده تسميه ايه ؟؟؟؟
اسمحيلي اقولك
الزمالك كان خارج نطاق الخدمه
وحس ان طرد لاعب المقاصه في الشوط الاول معناه انه ضمن الماتش
فاللعيبه لعبو باسترخاء وتهاون ومفاقوش غير بعد الهدف ولكن ذكاء لاعبي المقاصه كان جدار امام الاندفاع البدني للزمالك اللي لعب انهارده بدون عقل

ده تحليلي للماتش

ياعم انتة بتكلم فى اية

بالذمة والدين دى ضربة جاء متتحسبش مفيش اهلوى ماقركش بيها

وهدف يجن انا مبقولش الدنيا ضد الزمالك

بس ظلم ماتش زى دة يضيع مجهود الموسم كلة حرااااااااااااااااام

انا لو مكان حسام مكنتش وصلت الحكم دة بيتهم اساسهم

ههههههههههههههههههه حرام عليك يا محمد

الحكم عنده بيت واسره وعاوز تسيب عليه حسام حسن

هدي نفسك كده يا زعيم وخلي عندك ثقه في فرقتك

اقتباس :

انا لو مكان حسام مكنتش وصلت الحكم دة بيتهم اساسهم

ومين قالك ان الحكم هيروح سليم

جمهور الزماالك قام بالواجب مع الحكم وع طارق يحى كمان

طيب والنبي قول لي
طارق يحى زنبه ايه انه ينعمل فيه كده

يعني كان المفروض يسيب الماتش

جميل اوى يا حودة

طالما قولت ان التحكيم كان معقول

ومفيش ظلم وان احنا اللى حاسين ان كله ضدنا

انت كدة جبت الاخر مش هقدر اتناقش معاك بعد كدة

هقولك ايه يعنى شوف الماتش مانت شوفته

شوفت الاستديوهات كلها مانت اكيد شوفتها

شوف قناتك وشوف قالت ايه على الحكم والتحكيم مانت اكيد شوفت

مفيش فايدة يعنى من الكلام

الله يباركلك والله ريحتنى

انا اصلا مصدعه ومش عايزة اتكلم

اقتباس :

مفيش فايدة يعنى من الكلام

الله يباركلك والله ريحتنى

انا اصلا مصدعه ومش عايزة اتكلم

امممممم
اوك
معلش انا طولت في الموضوع شويتين

انا اسف ليكو

يا يمنى انتى شايفة بنفسك حرام تلاتة نقط حرام

مش ممكن يكون دول سبب ضياع الدورى

دة حسام كلب ميستحقش يبقى بنادم انا لو اشوفة حكلة بسنانى الله يخربيت امة عكر دمى

ويمنى هتعمل ايه يا محمد

منا شايفه زيى زى اى حد شايف وفاهم هعمل ايه

اروح اخنق ام الحكام ولاد ال..... عشان نرتاح ولا هعمل ايه يعنى

خلاص كدة لو ماتش كمان بحكم زى الحكم ال........... دة

يبقى الدورى باز بعد ما قولنا هنشوف موسم حلو

فى النهاية حقول قدر الله ما شاء فعل

الحمد لله

ربنا موجود

سورى يا يمنى على النرفزة بس دى مش حاجة
انا لميت طوب الشارع غير كمية الشتيمة اللى قولتها

وربنا يستر فى اللى جاى

ههههههههههههههههه

لا ولا يهمك اعتبرها نرفزة ملعب

بصراحة هى حاجة تخنق ومفيش مشكله بس ابقى بعد كدة

متدخلش المنتدى الا لما تفوق من صدمه مجامله الحكام

بقولك اية يا يمنى مترفعلنا قضية على ياسر دة واتعابك عندى

ههههههههههههههههههههه

ميستحقش اكتب ليه دفاع ده اصلا

فكك منه دة راجل متخلف عقليا

نفسى اشوفه هيعمل ايه لما يشوف الماتش وهو قاعد مع نفسه كدة

انا لو منه اشنق نفسى دة لو عندى دم يعنى

يمني اقفلي الموضوع ارجوكي انا مش عارف اذاكر ولا عارف اعمل حاجه ولو رديت ممكن اقول كلام خارج او حد يزعل مني بلالالالالالالالالالاش والنبي

يا عم ولا تزعل نفسك

نام وذاكر واعمل اللى انت عايزة

ما احنا اخدنا على كدة خلاص

الكوسة والمجاملات بقت حاجة عادية

خليك دايما مبسوط طول ما فرقتك كويسه وبتكسب بشرف وبتتهزم بظلم