ليه كدا يا دنيا؟؟؟؟؟؟؟

ليه كده

ليه القلوب مش صافية لبعضها
ليه الناس كده شايلة جوه قلبها
هموم كتير مش عارفة تتنفس منها

ليه على اخطاء غيرها مركزين ... وبهفواتهم مشغولين
دا احنا بشر مش ملايكة .. يعنى من الخطأ مش معصومين
ليه على اتفه الاسباب نلاقى الاخوة من بعضهم زعلانين
يمكن يفضلوا ايام وسنين متخاصمين
مع اننا مسلمين .. وعن الخصام منهيين
وده خصام الناس الغريبين .. فما بالك باقرب الاقربين

ليه مانعش الدنيا زى نبينا الامين
نعشها فى طاعة ربنا الكريم
نعيشها بحب وحنان ونكون لغيرنا مسامحين
امته هنكون لعقلنا ده مكبرين
والخلافات دى هنكون ليها ناسيين
ومانقفش فى طريقنا ابدا مهما يكون الانين
طيب شوفوا الغرب ليه هما متقدمين؟؟
مع انهم مش مسلمين!!
وفى حياتهم اكيد مش مبسوطين ولا مرتاحين
هما عن ربهم بعيدين
واحنا ياللى مسلمين
وبعمارة الدنيا مامورين
ادينا اهوه واقفين!!!!
بيقولوا علينا عالم متخلفين

ياااه ازاى هنقابل ربنا
ولا نشرب من ايد نبينا
بعد ماسكتنا عن عارنا وذلنا
ورضينا نكون ليهم تابعين
حتى الاكل منهم بنكون مستوردين
اصلنا بصراحة كنا مشغولين
بامور دنيتنا واللى بيها ملهيين
دى لقمة العيش صعبة واحنا ليها مش لاقيين
ولا السكن .. ولا المرض احنا مش ملاحقين
ازاى عايزينا نفكر دا احنا بدوامة بيها مربوطين
وفى دنيتنا مخنوقين

حتى اخواتنا اللى بيهم كنا بحياتنا متصبرين
بنتسند على بعض وادينا اهوه عايشين
شغلتنا برده الدنيا عن بعضنا وبقينا متفرقين
طبع الدنيا غلاب على كل المخلوقين
والفراق بقى شىء محتوم على كل المحبوبين

ياترا ممكن نعيش بسلام وامان
ويرجع للدنيا تانى الحب والحنان
زى مابيقولوا كان ايام زمان
تطلع الشمس تنور كل مكان
تحث عالعمل وتقول ياللا ياانسان
دى دنيتك عمرها هتكون انت الكسبان
صفى قلبك واعبد ربك مش هتكون ابدا ندمان

دى كلمات متناثرة كتبتها
مخنوقة من دنيتى اللى عيشتها
واللى انا شايفاه منها
يارب صبرنا عاليومين اللى عايشينهم بها
وعوضنا خيرا منها
جنة الخالدين يارب اجعلنا نصيب منها

كلام جميل اوى

تسلم ايدك يا

تو تااااااااااااااا

ميرسى ليكى يافراشة

دا انتي مخنوقة من الدنيا خنقة زي بعضها

ليه التشاؤم ده يا بنتي

بس أحسن جملة السطر الأخير

لية كدة بس يا توته التشاؤم ده صديق بجد او صاحب يستاهل او اسره بتحبك

او اي حاجة حلوة في الدنيا دي كفاية علشان تضحكي وتفرحي بلاش تحطي الدنيا وحشة علشان حاجة معينة

وتعممي

وربنا يفرحك قريب ان شاء الله

ليه مانعش الدنيا زى نبينا الامين
نعشها فى طاعة ربنا الكريم
نعيشها بحب وحنان ونكون لغيرنا مسامحين
امته هنكون لعقلنا ده مكبرين

ليس فى الامكان اجمل مما قيل واتمنى متكونش دى نظرتك فى الدنيا بس اسلوب التعبير كويس جدا اتمنى زيادة مشاركتك معانا فى احباب

اى يا بنتى دة لدرجتى انتى اتغيرتى وبقيتى حزينة اوووى كدا

اى فوفة حد يعرفنى ويبقة كئيب كدا روقى الدنيا زى ما فيها حاجات وحشة

فيها حاجات حلوة وحاولى تبصى للحلو شوية وبلاش بصة التشاؤم دى

وكبرى شوية عشان تعرفى تعيشــــــى

ميرسى كتير ليكم بجد يا احلى اعضاء
وميرسى لمروركم ولكلامكم الجميل دة

هو صحيح ليه يا دنيا كده

تامر

ايه يا تامر انت كمان متشائم ليه بس