محتاجه الرد اوى

بسم الله الرحمن الرحيم

السلام عليكم

محتاجه لمشاركتكم ف الرد عليا ضرورى
انا حاسه انى محتاره ومش عارفه اعمل ايه
هحكلكم وعايزاكم تفدونى بردكم على الاقل ممكن الرد يريحنى شويه

انا كنت مرتبطه بشحص وكان اول حب ليا وعمرى ما فكرت انى احب غيره
او اكمل مع حد غيره كان ارتباط لمدة 3 سنين بس كان بحدود جدا

بس للاسف الشخص ده كان دايما يكلم بنات غيرى وكنت لما اوجهه كان يقولى انه بيحبنى انا
وكان معرفنى على اهله
وكان ف تواصل بينى وبينه كبير
المهم يعنى كنت ف البدايه حاسه انه مش بيحبنى
بس الايام اللى فاتت دى اتاكدت انه فعلا عايزنى

احصل ان ف واحد اتقدملى فانا قولت لا مش موافقه
وكلمته عشان احكيله واعرفه
لقيته مشغول لمده ساعه وكان بظبط بقاله يومين منشغل عنى مش كلعاده يعنى

المهم حسيت انه كان بيكلم بنت لانه انكر انه كان مشغول وعمل نفسه كان نايم
اتخنقت معاه وقولتلهم ف البيت انى موافقه على العريس والعريس ده حد كويس جدا
وف نفس الوقت انا بحب الشخص اللى حكتلكم عنه ده وهو لسه ميعرفش انى هرتبط لانى مش برد على تليفوناته
وبيحاول يكلمنى وانا مش عارفه بجد اعمل ايه

اكلمه واعرفه انى هرتبط ولا ملهاش لازمه ومش عارفه از كنت وفقت على العريس ده هظلمه معايا ولا اعمل ايه انا بجد محتاره اوى
ياريت تساعدونى وتقولولى رايكم

انا اسفه طولت عليكم

اولا لو فضلتي كدة هتبقي للاسف بتخوني الراجل الجديد دة لانك يا تفتحي موبايلك وتردي علي الي بتحبية دة وتشلية من دماغك مدام هو عنية زيغة كدة

وتتوقعي من انساااااان بيكلم بنات ولما تواجهيه ينكر انة يعيشك في سعااااااادة ونعيم اكيد هيعرف غيرك

دا بيعمل كل دة قبل الجواز اومال بعد الجواز وبعد ما الحياة تبقي روتينية هيعمل اية

انا شايف لو الا نسان الجديد حد محترم يبقي امسكي فية باديكي وسنانك بس لالالالالالازم تتخلصي من ماضيكي باي طريقة وقبل كدة لازم تصارحي الانسان البريئ ان كان في حد في حياتك زمان ودلوقتي خلاص

انك هتبقي معاه للابد باخلاص " هي دي وجهة نظري ياااااااااااااارب مكنش زعلتك بس دي النصيحة من اخ لاختة

اولا انتى غلطتى غلطه عمرك لما وافقتى على العريس ده لانك عملتى حاجه انتى مش مقتنعه بيها والغلطه دى لو مصلحتهاش وبسرعه هتندمى كتير اوى لانها هتدمرلك حياتك انتى كده بتظلمى العريس ده معاكى وكمان بتظلمى نفسك وده اصعب انواع الظلم هتحولى حياتك لجحيم كل ده عشان انسان ميستهلش الى مش يبقا عليكى اوعى تبقى عليه وصدقينى هو الخسران وانتى كسبانه كتير كسبانه احترامك لنفسك وانك انسانه حبيتى واخلصتى يلا بسرعه صلحى غلطتك دى لازم تسيبى العريس ده ولو هتكملى معاه صارحيه بكل حاجه وافتحى معاه صفحه جديده واقطعى القديمه حتى لو مش هتفتحى الجديده ردى عليه وقوليله انه خلاص مش بقا مناسب ليكى وكل واحد يروح لحاله وحياته الى اخترها بس من غير متحكى معاه فى موضوع العريس ولا غيره لان بيتهيالى مش يخصه وانشاء الله تقابلى الى يستهلك وتستهليه ......انا اسفه لو كنت تجاوزت حدودى فى الرد بس ده لانك اخت ليا وربنا يوجهك للصواب

يا يا وساااااااااااام صلحي غلطتك وبسرررررررعة وسيبي العريس هو العريس الغلطة من وجهة نظرك

مهو العريس دة زي الي هيجي بعدية زي الي هيجي بعد بعدية المشكلة في القديم الي لازم يتحل

يعني تقطع علاقتها بية نهائي وتكمل مع العريس الجديد ولا هتقعد من غير جواز خالص بقي

انا قولتلها يامحمد تسيبى العريس لو هى مش مقتنعه وهتفضل معلقه نفسها فى النص بينى الماضى والحاضر لكن لو هتفتح صفحه جديده وتنسى القديمه وتصارحه يبقا اوكى طبعا تكمل لكن هى فى الفتره دى بيتهيالى محتاجه لفتره تعيد فيها حسابتها وتفكر صح وقبل ماتاخد اى قرار لازم تفكر كويس وقرار الزواج ده اهم قرار فى حياه اى حد وميتخدش كده لازم تفكر كويس الاول وتنسى الماضى تماما .......ودى وجهه نظرى

بصى يا أنسة

كل الاراء اللى قالوها دى صح

و صح جدااااا كمان

بس قبل ما تخدى قرار قاطع لازم و لابد تقعدى مع نفسك شوية و تفكرى

و تقولى لنفسك أنتى عايزة ايه

يا ترى أنتى عايزة الانسان اللى بتحبيه ده

و لو بتحبيه بجد و عايزاه يا ترى هتعرفى تغيريه

هتعرفى تخليه مايشوفش حد غيرك

أما بالنسبة للعريس اللى أنتى وافقتى عليه ده فمهما كان قرارك

لازم تقعدى معاه و تصارحيه

حتى لو كنتى هترجعى فى كلامك

لانك ماتنسيش إنك وافقتى و هترجعى تانى فى رأيك

و لو مش هترجعى فى رأيك يبقى لازم تصارحيه و تحكيله

بس نصيحة منى أبعدى عن أى حاجة ممكن تعصبك و أنتى بتفكرى علشان ده قرار مهم جدااااااااا فى حياتك

و محتاج هدوء و عقل

( دى وجهة نظرى الشخصية المتواضعة )

يا جماعة خلونا نتكلم بعقلانية شوية وبالمنطق

أولا : اللي بيحبها فعلا وعاوزها فعلا هو اللي دخل من الباب واتقدم وطلب أهلها - وطبعا الانسان اللي يحبك أكيد أحسن من اللي بيوهمك انه بيحبك ومع الزمن هيجبرك حبه ليكي انك تحبيه

ثانيا : كله قال تصارحي اللي اتقدم ليكي وأنا بسأل محمد وعمرو خاصة لأنهم شباب
لو حصل لا قدر الله مرة وخطيبتك قالتلك فلان ده كان في حياتي -- وانتوا عارفين الشيطان - أي رنة هتجيلها على الموبايل هتشك انه هو هتخرج مره واتأخرت هتشك بردو -- صح ؟

ثالثا : المفروض تقطعي علاقتك غير الرسمية وربنا هيعوضك بحاجة شرعية ورسمية أحسن (( من ترك شيئا لله عوضه الله خيرا منه ))

نفهم من كده الآتي
تردي على الاول برسالة فقط تعرفيه بارتباطك ولا يطارك فيما بعد (( ورسالة فقط حتى لا تضعفي أمام توسلاته ))
تحاولي جاهده تنسيه تدريجيا
ماتظلميش الشخص اللي دخل البيت من بابه فهو الأنسب وهو فرصة لن تتكرر خاصة انك تمتدحينه - مع الايام ستحبيه

ده رأيي والله أعلم

على فكرة يا وائل كلامك منطقى و صح

بس حط أنت بقى نفسك مكان العريس ده

لو هى خبت عليك حاجة زى دى و جيت أنت بالصدفة أكتشفتها هيبقى رد فعلك ايه

أكيد هتشك فيها

و أكيد هيجى فى دماغك إنها لسه بتعرفه لغاية دلوقتى

و بعدين يا وائل لما تصارحه دلوقتى و تفتح معاه صفحة جديده هيبقى مفيش مشكلة

لان اللى يهمه حياتها من بداية إرتباطهم

لكن لو كذبت عليه و خبت عليه حاجة زى دى و هو عرف بالصدفة هتبقى فى موقف لا تحسد عليه أبدا

و أنا مازلت عند رأى إنها تصارحه لان صدقها و صراحتها ممكن ينجيها من مشاكل كبيرة أوى

ايوووووووووة يا وااااااااائل لالالالالالالالازم تصاااارحة ولو هو انسان متحضر هيتفهم لان اكيد كل البنات مرت

بتجاااااااارب بس لالالالالابد انها تثبتلة انها نسيتة خلالالالالالاص وشلتة من حياتها ولو بيحبها هيتقبل الامر

وكل اراءنا صح مية مية والله

انتوا أدرى بأه

انتوا بتوع الجيل ده
احنا من الحرس القديم

هههههههههههههه يا بتاع الحررررررررس انت

نفسي يا وااااااااااااائل اتجوز زيييييييك كدة وابقي مبسووووووووط زيك

مش بحسد والله ربنا يكرررررررررمك ديما ويفرحك اكتر واكتر

انا بشكر كل اللى رد عليا وبجد رايكم افدنى بس انا مش عارفه اعمل ايه مع الانسان اللى حبيته
هو انا قولتله فعلا انى ارتبط بس بيطلب منى انى اسيب اللى ارتبط بيه عشان يجى ياقدم
وانا متاكده انه لو جه ف الوقت ده هيترفض لانه لو قارنا بينه وبين التانى فى فرق كبير اوى
وف نفس الوقت لما بحكم عقلى بلاقى ان اللى اتقدملى هو المناسب
لما بفكر بقلبى بيصعب عليا اوى 3 سنين يروحو على الفاضى
وف نفس الوقت انا مش عارفه اعمل ايه مع اللى حبيته هو فعلا بيكلمنى باسلوب بيخبينى مش عارفه اتخله عنه
وعايزنى اسيب خطيبى واقولهم ف البيت ان السبب انى مرتبطه بحد تانى
ولما قولتله هتيجى يعنى
قالى لسه شويه لما اكون جدير انى اجى ويوفقه عليا
طيب انا ردكم عليا افدنى انى خلاص
قررت انى ابعد عنه
واعيش حياتى الجديده وفعلا بصفحه جديده
بس فى نفس القت اعمل ايه معاه اخليه يبعد من غير ما يكون حاسس انى ظلمته انا االلى مضايقنى انه فعلا مجروح منى اوى

مجررررررررررررررررروح منك اااااااااااية بس يا انسة الي يعرف بنات غير حبيبتة يبقي ميستهلش
انتي طيبة اوووووووووووووي كدة لية وبعدين الي يحب يتمني السعادة لحبيبة وينسحب من غير كلام

مش يقولك سيبي الي اتقدملك وارفضية وانا لمااااااااااااااااااااااااااا وخلي بالك من لما دي ابقي جدير

فكررررررررري كويس لحسن مش هتطوووووووووووولي حاجة وفكرررررررري كووووووووويس

والانسان دة الي هو حبيبك القديم والله ما كاااااااان بيحبك زرررة حتي

الحب يعني الاخلاص يعني زي انتي مبتنميش الليل غير وانتي بتفكري فية وبتنامي دمعتك علي خدك لو زعلان منك وديما تشتاقي اليه " شوووووووووووفي بقي هو بيعمل اية مع دي ومع دي وبيكلم دي وبيكلم دي

النقييييييييييييض تماما مفيش اسهل من الكلام يا انسة فوووووووووقي متخليش واحد زي دة ياكل بعقلك حلاوة زي ما بيقولو فووووووووووووقي ومشي مرررررررة بعقلك هو ده وقتة شغلية "

واسف لو زوتها بس انا خايف عليكي

عندك حق يا مضروب

وزي ماقلت قبل كده
اللي حبك هو اللي اشتراكي وسبق ودخل من الباب

بجد انتى صعبانه عليا اوووووووووووووووى

وانتى فى موقف صعب اووووووووووووووى

انا وجهة نظرى ان لو الانساان اللى اتقدملك انسان كويس وعارف دينه

وفقى عليه وخليكى معاها بس قولوه كلمه والكلمه دى هيفتكرها طول عمره

قوليله عمرى اللى فات بتاعى انا وعمرى اللى جى بتاعك انت غيرنى زى ما انت عايز بس لالاحسن طبعا

واحكى على اللى انتى كنتى بتحبى

وافتحوا صفحه بيضه

وحولى على قد ماتقدرى ان انتى تنسى اللى كنتى بتحبى

معا انى شيفه ان هو انسان يتنسى بسهوله

لان كان يعرف غيرك

اومال بقى تعملى ايه لو الانسان اللى بتحبيه كان مخلص ليكى اوووى
بس يلا

بجد فكرى فى اللى جى

وغيرى رقمك عشان ميظنش كل شويه

وانشاء الله اللى جاى هيكون احسسسسسسسسن من اللى رااح

لا تعليق الرد وصل مباشر

» البنات تفاحات( يا رب كله يقرا الموضوع قبل الرد عليه )
» من قلب الاسلام (أعظم إنسحاب فى التاريخ ) ستجده فى الرد
» البدرى يرفض الرد على استفزازات البنزرتى.. ويشيد بفرانسيس
» أخيرا الزمالك يرسل الرد على شكوى أندرلخت للفيفا
» كامل ابوعلي يغري محمد شوقي للانضمام للمصري الرد على الموضوع