الحلقة العاشرة ............. ( سهر الليالى )

أعزائى القراء أعضاء و مشرفى منتدى أحباب

أهلا و سهلا بيكم فى حلقة جديده من برنامجكم






سهر الليالى





النهارده حلقة مميزة جداااااااااااااااااااااااااااااا

و ده لان ضيفة حلقة النهارده ضيفة من أفضل شخصيات المنتدى


ضيفة حلقة النهاردة


رحـــــــــــــــــــــــــــــــــــــاب

( دلوعة و كلمتى مسموعة )






أهلا بيكى يا رحاب بجد منورة حلقة النهارده










ربنا يخليك يا عمورا بجد انا فرحانه اوى انى انا معاك النهاردا

وانا بستنى يوم الجمعه عشان اشوف حلقاتك

وانت قد ايه انسان جميل ده على المستوى العام

على المستوى الخاص انسان حنين اوى








ربنا يخليكى يا رحاب

ده بس من زوقك








موضوع حلقة النهارده

موضوع صعب جداااااااااااااااااااااااااا

موضوع مليان نقاش و جدل

موضوع حلقة النهارده ( نـــــــــــ قصة حب ــــــــــــــــــــــــهــاية )


قصص الحب كتير

و النهايات برضه كتير

ممكن تبقى نهاية سعيده بالزواج

و ممكن تبقى نهاية حزينة بالفراق

و النهاية الحزينة بيبقى ليها مليون سبب

على سبيل المثال

الخيانه

سوء التفاهم بين الطرفين

أن يحب أحد الطرفين بعقله

إلخ ..........................


و لكن فى رأى المتواضع أنه إذا أنتهت قصه الحب بالزواج فهى مازالت مستمرة

لذلك سوف نتحدث اليوم عن النهايات الحزينة

لانها تكون مفترق الطرق للطرفين


مستنى تليفوناتكم علشان أعرف رأيكم فى موضوع الحلقة

و كمان هنفتح باب الرسايل

و هنعرف رأى نجمة حلقة النهارده فى موضوع الحلقة






و لكن





بعد الفاصل






إستنوووووووووووووووووونى










كوكاكولا ................................. الراعى الرسمى لكأس العالم 2010











رجعنالكم من جديد

بصراحة أنا مش عارف أبدأ منين

بس اللى أنا عارفه إن علشان يبقى فى فراق لازم يبقى فيه حب




فى نظرك يا رحاب ايه معنى الحب ؟









الحب ده اجمل شى فى الوجود الحب هو اللى مصبر الانسان على العيشه فى الدنيا دى


مفيش حياة من غير حب


الحب ده اجمل احساس استحاله يتوصف ومحديش بيحس بقيمة غير لما يفتقد الحب ده








فعلا يا رحاب الحب إحساس فوق الوصف

بس برضه اللى يضيع الحب من ايده و بالذات لو كان حبيبه مخلص له

يبقى أكيد يستاهل العذاب









أكيد طبعا يا عمرو










معايا أول إتصال تليفونى

معايا على الهاتف (محـــــــــــمد موسي)



بجد بجد منورنى يا كبير





ده نورك يا عمرو أنت و رحاب




متابع الحلقة من أولها يا موسى ولا لا




أكيد يا عمور متابعها من أولها

و كنت عايز أقول إن نهايات قصص الحب بتعتمد فى الاول و الاخر على شئ واحد فقط

القــــــــــســــــمـــــــــــــــــــــة و النصيب

مهما كانت الاسباب و بغض النظر عنها و عن مين من الاطراف اللى غلطان






أيوة يا موسى بس برضه كل شئ و له سبب

الرسول ( صلى الله عليه و سلم ) قال : إعقلها و توكل

يعنى مش أعمل الغلط و أقول ده نصيبى






أكيد يا عمرو كلامك صح








طيب قولى بقى كتير من الناس بتقول أنه فى أغلب قصص الحب بيبقى الرجل هو اللى الناهى للقصة و غالبا ما تنتهى بمأساة

هل الكلام ده صحيح ولا لا ؟








لا طبعا مش صحيح

فيه مليون مثال على أن المرأة هى الناهية لقصة الحب

و هى تكون الظالمة

و أنا شخصيا أعرف أتنين كانوا بيحبوا بعض جدااااااااااااااااااااا

و البنت هى اللى سابت حبيبها أكتر من مرة حتى أنى ظننت للحظة أنه يعيش بلا كرامة








لا طبعا يا موسى مفيش حد بيعيش من غير كرامة








بس مش يمكن يا موسى الظروف كانت أقوى منها









ما أعتقدش يا رحاب أن الظروف كانت أقوى منها فى كل المرات

و بعدين الظروف الصعبة بتوضح معادن الناس









فعلا يا كبير كلامك روعة

أنا بجد سعيد جدا بمكالمتك دى

و أتمنى أنك تكررها تانى





أنا الاسعد و الله يا عمرو

و أكيد يا عمور هكررها تانى








هرجع لنجمة حلقة النهارده ( رحـــــــــــــــــــــــــــــــــــــاب )

ايه رأيك فى كلام موسى يا رحاب ؟








كلامه كويس جدا

بالرغم من إختلافى معاه فى نقطة الظروف

فعلا ممكن الظروف تبقى أقوى من الانسان و ممكن تخليه يعمل حاجات مش راضى عنها







أيوة يا رحاب بس ماتنسيش إن كتير جدا بيمروا بظروف صعبة فى حبهم و بيعدوها

و ده بيبقى بسبب أنهم عندهم إرادة و إصرار







معايا أول رسالة فى حلقة النهارده من (طـــــــــــــــــــــــــــــــــــــارق )


طارق بيقول : أنا بحب بنت بس حاليا منفصل عنها

مش هى دى المشكلة

لكن المشكلة إنها دى تالت مرة تسيبنى فيها

و أنا لسه بحبها

يا ترى أعمل ايه .......................







بص يا طارق

بدون أن أخوض فى التفاصيل

من الرسالة بتعاتك باين إن حبيبتك بتحب بعقلها مش بقلبها

و ده مش صح

بالعكس ده غلط جداااااااااااااااااااااااااا

و أنا عارف أنت عايز تقول ايه

أكيد عايز تقول إن كرامتك واجعاك بس برضه لسه بتحبها

بس فعلا يا طارق أنا مش هعرف أفيدك فى مشكلتك لانها صعبة جدااااااااااااااااا




ايه رأيك يا رحاب









مش عارفة و الله يا عمرو

فعلا المشكلة صعبة جدا

بس أنا بيتهيقلى أنها لو تستاهل أنه يسامحها يبقى لازم يسامحها و يرجعلها







و الله مش عارف يا رحاب بس بيتهيقلى إن اللى تسيب حبيبها ثلاثة مرات

و توجع قلبه ثلاثة مرات

هيبقى صعب عليه أووووووووووووووووووووووى أنه يسامح تانى

لان الرجل أصله فى كرامته









بمناسبة الفراق

قوليلى يا رحاب

ما معنى الفراق ؟











يااااااااااااااااااااااااااااااااااا كلمه صعبه اوى

وجامده اوى


محديش بيحس بيها غير لما يجرب

معنى الفراق فى نظرى هو ذهب الروح عن الجسد

وتكون مع الى حوليك عادى بس الحقيقه مش كده


انت بتهزر عادى وتضحك عادى ولا اكن فارق معاك

بس لاسف تفكيرك كله مع اللى انت فارقته


مش شرط فراق الحبيب

ممكن فراق الاخ او الاخت او الام او الاب او صديق

او شخص بتحبه اووووووووووووووووووووووى

بس للاسف الظروف اقوى من الانسان







يا رحاب بس مهما كانت الظروف قوية

الانسان المفروض يبقى عنده إراده و عزيمة علشان يعرف يكمل المشوار







هنروح لفاصل إعلانى و نرجعلكم تانى






أبقوا معنا








سبرايت ........................... ليمون أكتر .......... صودا أكتر









رجعنالكم تانى

و هرجعلك تانى يا رحاب

فى سؤال مهم كنت عايز أسألهولك

أنا واحد من الناس اللى بتحب تاخد بالاسباب فى كل شئ

علشان كده كنت عايز أعرف

ايه اللى ممكن يخلى قصة الحب تنتهى نهاية سعيده و ايه ممكن يخليها تنتهى نهاية حزينة ؟









من نظرى ان تنتهى نهايه سعيده لو انت سايب حبيبك ده خوف من ربنا


لان ربنا استحاله يفرح بتنين بيحبوا بعض والاهل مش عارفين

وتقاعد مع الانسان اللى بتحبه تقاعد معها والكل يعرف انكم بتحبه بعض وبقالكم مع بعض كام سنه وانت مقولتش للاهل



انت لو سيبته عشان خاطر ربنا لعل ربنا يرزقك بى او احسن منه


عشان اللى بيحب حد بيخاف عليه دنيا واخره مش دنيا بس






اما تنتهى نهاية حزينه


لو استمره مع بعض وهما مش عرفين اخرت الحب ده ايه

وفى الاخر يسبه بعض بسبب طتش ما بنهم



او بسبب تدخل الاصدقاء ما بنهم


وبسبب الخيانه




وعدم الصدق ما بنهم











هههههههههههههههههههههه

طيب أنا هسألك سؤال

يعنى مثلا لو أتنين بيحبوا بعض و حتى السلام مابينهم بيبقى بالكلام مش بالايد

و بيروحوا يصلوا سوا

و بيصحوا بعض على أذان الفجر علشان يصلوا مع بعض

يبقى الاتنين دول بيعملوا حاجة حرام ؟








لا طبعا








و بعدين يا رحاب لو هنتكلم فى حلال و حرام يبقى الكلام مش هيخلص

لكن خلينا نتكلم فى الحب و المشاعر

لانها فعلا مش بأيد حد و اللى بيحب أكيد بيخاف على حبيبه و بيحاول مايغضبش ربنا علشان ربنا يوفقهم

و مجرد عدم معرفة الاهل بالموضوع ليس سببا قاطعا لنهاية قصة حب

مادام الاتنين ماشيين مع بعض بما يرضى الله يبقى أكيد هما مابيعملوش حاجة غلط









يمكن يا عمرو

مع إنى مختلفة معاك فى الرأى










على العموم الاختلاف فى الرأى لا يفسد للود قضية









أكيد طبعا








خلينا نرجع لموضوع الحلقة

كنت عايز أسألك يا رحاب

هل هناك كرامة فى الحب ؟ و لماذا ؟













لا


لو الاتنين بيحبه بعض اوى

بتتشال كل الحواجز ما بنهم

بس فى تكات كده استحاله نتختها




بس اللى بيحب بجد بينسى اى زعل

مش شرط بسهوله


بس المهم ان هو بينسى










كلام سليم يا رحاب

و كنت عايز أضيف عليه

أن اللى بيحب حد مش بيجرح كرامته

و لو جرحها مره مش بيكررها تانى







أكيد طبعا يا عمرو

لان زى ما قولتلك قبل كده اللى بيحب حد

الحواجز بتتشال ما بينهم









طيب قوليلى بقى يا رحاب

بما أنك بتمثلى جانب المرأة فى حلقة النهارده


هل من الممكن أن تتحامل المرأة على كرامتها لأكثر من مرة من أجل حبيبها ؟














لالالالالا


المراه حساسه جدا انا ل لا اظن انها ممكن تستحمل حاجه تجى على كرمتها بسهوله


المراء مش بتسامح بسهوله خالص

ممكن تسامح مره اتنين بكتيره


عن تجربه والله يا عمرو


الكلام ده مش من فراغ












كلام جميل جدا يا رحاب


أما بالنسبة للرجل

فهو ممكن يسامح و يتحامل

و لكن التسامح بيبقى بعقل و ذكاء

يعنى من الاخر يسامح و يتحامل بس مايبقاش لعبة فى أيد حبيبته

لان الراجل لما بينجرح فى كرامته بيبقى زى البركان من المستحيل إخماده

يعنى ممكن الراجل يسامح مرة و أتنين( لكن للصبر حدود )












هنروح لفاصل إعلانى و نرجعلكم تانى





أبقوا معنا











تامر حسنى ...................... إخترت صح ....................... ألبوم جديد حاليا بالاسواق












و رجعنالكم مرة تانية


معايا إتصال تليفونى


معايا على الهاتف ( علاء المصرى )



عامل أيه يا علاء





الحمد لله تمام يا عمور






متابع الحلقة من أولها يا علاء ولا





متابعها طبعا يا عمرو

أنا بس كنت عايز أتكلم عن مشكلة طارق

هى فعلا مشكلة صعبة جدااااااااااااااا

لكن أنا لو مكانة مستحيل هرجع تانى

لان اللى يسيبنى ثلاثة مرات ممكن يسيبنى مليااااااااااااااار مرة








مش يمكن يا علاء الظروف هى اللى حكمت بكده






يعنى معقول يا رحاب إن الظروف هتحكم أنها تسيبه ثلاثه مرات

و الثلاثة مرات كانوا منها هى

بيتهيقلى أنه كلام مش منطقى






طيب يا علاء كنت عايز أسألك

ايه أكتر الاسباب اللى بتنتهى بسببها قصص الحب ؟






و الله كتير يا عمور

يعنى مثلا ممكن

الخيانه

رفض من الاهل

إلخ ..................

لكن فى الاكثر بتبقى الخيانه

الا إذا كانت حالات شاذه مثل حالة طارق






أنا عايز أشكرك يا علاء

فعلا يا علاء إجاباتك جبارة و كلامك روعة

أنا سعيد جدا بإتصالك ده و أتمنى تكرره تانى








أن الاسعد و الله يا عمرو

و إنشاء الله هيتكرر تانى









هنرجع لضيفة حلقة النهارده

قوليلى يا رحاب

فى نظرك يا رحاب ايه هى مواصفات الشاب المثالى ( اللى ممكن يحافظ على الحب ) ؟






هو الاولا انسان بيخاف ربنا عشان لو هو بيخاف ربنا هيراعى ربنا فيا

وهيخاف عليا من كلام الناس ومش هيرضى ان يتقال عليا كلمه وحشه

مش كده


ومصاحب ناس كويسه مش اصدقاء بيشمه مخدرات عشان فى يوم من الايام هيشدوه ويبقى زيهم






بس بيتهيقلى يا رحاب إنك عايزاه هو مش عايزة صحابه

و بعدين المفروض إن حتى لو صحابه كده هو أكيد عنده شخصية مستقلة

غير كده و كده هو لو بيحب بجد يبقى أكيد هيفضلك على صحابه و هتقدرى تغيريه






بس برضه يا عمرو الصاحب له تأثير قوى على صاحبه






فعلا هو له تأثير قوى لكن مش مطلق




يعنى ايه يا عمرو




يعنى هو ممكن يحاول يخليه يعمل حاجة

لكن مش أنه يأمره أو يغيره كليا






يمكن يا عمرو








على العموم

إحنا هنروح لفاصل إعلانى و هنرجعلكم تانى






أبقوا معنا







إتصالات ...................... الراعى الرسمى لبرنامج سهر الليالى










أهلا بيكم فى الجزء الاخير من حلقة النهارده


معايا إتصال هاتفى

معايا على الهاتف .................. ( فضفض )


أهلا بيك يا فضفض .................... إزيك





إزيك يا عمور عامل ايه





يا ترى الحلقة عاجباك يا فضفض ولا لا






أكيد يا عمرو عاجبانى

و موضوع الحلقة موضوع مهم جداااااااااااااااااااااااا

أنا كنت عايز أقول إن أغلب قصص الحب بتنتهى نهايات حزينة

وده بيبقى بسبب سوء التفاهم بين الطرفين

أما إذا حصل تفاهم فأن قصة الحب بتدخل فى مرحلة جديده

مرحلة أسهل و أصعب فى نفس الوقت

لانها بتبقى أسهل فى المشاعر و لكن فى العقبات بتبقى أصعب







طيب قولى يا فضفض

ايه معنى الفراق بالنسبة لك ؟






بص يا عمرو الفراق ده شعور جبااااااااااااااااااااااار

من المستحيل أن أوصفه

لكن كل اللى أقدر أقوله عليه أنه عذاب ما بعده عذاب







كلامك منطقى جدا يا فضفض

بجد نورت الحلقة يا فضفض

و أنا كنت سعيد جدا بوجودك




ربنا يخليك يا عمرو أنا الاسعد طبعا







أجمل ما فى الحب لحظاته

و أيضا أحيانا تكون لحظاته هى أصعب ما فى الحب

فى رأيك يا رحاب ايه أصعب اللحظات فى الحب ؟










اصعب لحظه لما انت تكون تتمنع من الحب ده غصب عنك مش براتك


دى اصعب حاجه بنسبه لى








بس بيتهيقلى إن مفيش حد بيتمنع عن حاجة هو عايزها






لا طبعا يا عمرو أوقات كتير الواحد بيتمنع عن حاجات هو عايزها بسبب الظروف







أيوة بس سبحانه و تعالى قال فى كتابه الكريم :

( لا يكلف الله نفسا الا وسعها )


ده معناه إن ربنا سبحانه و تعالى بيعطى لكل مخلوق على قد تحمله

يعنى من الاخر مستحيل ربنا يكتب على حد إنه يتعذب فوق ما يتحمل

و بيتهيقلى إن لما إنسان يبعد عن حبه بإرادته يبقى ده أقوى عذاب








بس برضه يا عمرو ماتنساش إن ربنا قادر على كل شئ

و هو بيقول للشئ كن فيكون

و هو وحده اللى له الحكم فى الكون

يعنى ماحدش يقدر يتوقع ربنا ممكن يأمر بأيه







على العموم زى ما بيقولوا ( الاختلاف فى الرأى لا يفسد للود قضية )




فى نهاية الحلقة يا رحاب كنت عايز أسألك

من وجهة نظرك ايه هو الحل السحرى علشان يحافظ كلا الطرفين على الحب ؟









انهم يخافوا على بعض اوووووى


عشان الحب ده ميضعش بسهوله



وانهم يفتكروا لبعض الحاجات الحلوا وفكك من الحاجات الوحشه اتللى كانت بتحصل


وبكده هيعيشوا احسن عيشه












كلام سليم ميه فى الميه




فى نهاية الحلقة عايز أقولك بجد بجد نورتى الحلقة يا رحاب و البرنامج كله

و فعلا أنا كنت سعيد إنك معايا النهارده






انا الاسعد والله يا عمرو


بجد اسئله صعبه الواحد كان عاجز عن الرد بس عشانك يا عمرو


لازم الواحد يجواب







ربنا يخليكى يا رحاب ده بس من زوقك يا قمر


فى نهاية الحلقة عايز أشكر كل اللى تابعونى

و أكيد هستنى ردودكم علشان أعرف رأيكم فى مضوع حلقة النهارده

و كمان مستنى رأيكم فى مشكلة طارق لان واضح إنها مشكلة صعبه

دلوقتى هسيبكم مع النجم حسيبن شلبى و أغنية دموعك نصيبك

كان معكم

the prince lover

فى

سهر الليالى



أشوفكم إنشاء الله فى الحلقة القادمة