اعزائى اعضاء و مشرفى احباب
اهلا و مرحبا بكم فى حلقة جديده من برنامجكم الاسبوعى
سهر الليالى
اعزائى القراء
ضيفة حلقة النهارده
نجمة فوق العاده هى مصدر المرح فى منتدى احباب
هى احدى الجدران الاساسية فى احباب
ضيفة حلقة النهارده
العضوة المميزة
خلود ( my love )
اهلا بيكى يا خوخه بجد منورة الحلقة النهارده و انا سعيد جدااااااااا انك معايا النهارده
ميرسى يا عمرو بجد انا سعيده اوى انى معاك النهاردة
موضوع حلقة النهارده
الخيـــــــــــــــــــــــــــانـــــــــه
الخيانة هى هي اقسى نزف للمشاعر
واقسى الآم القلب
و اعظم حالة يأس يعيشها الانسان
الخيانه هي بصوره مبسطه
ان تمنح من تحب الثقه الكامله بكل شي
وهو يبايعك بها
لكن في يوم تكتشف انه بيعد كل البعد
عن تلك المبايعه التي بايعها لاجلك
تخلى عن كلمته امامك
خانك وجرح مشاعرك
ربما لايدري او الكثيرين يكونوا متعمدين
ولا يهمهم الامر
وكأن شيئ لم يكن
الخيانه لها اشكال كثيره
والاَمها عديده و متنوعه
بعضها ربما تستطيع ان تنساها بمرور الايام
والبعض استحاله ان تفكر فقط بنسيانها .. !!
لانها تكون عظيمه جدا
اخوتي الاكارم كلنا مدعويين هنا لنتحدث عن الخيانه
وما هي وجه نظر كل منكم.......
وهل احدكم وقع في شركها .......
مستنى تليفوناتكم علشان تشاركونى الحلقة
و أعرف ارائكم عن حلقة النهارده
هنروح لفاصل اعلانى
ابقوا معنا
شيبسيكو ................... كله يضلع نفسه
و رجعنالكم تانى
و معايا اول اتصال تليفونى
معايا على الهاتف علاء المصرى
ازيك يا علاء
الحمد لله يا عمرو
قولى يا علاء
ايه معنى الخيانه فى وجهة نظرك
و الله يا عمرو الخيانه دى اسوء احساس ممكن اى انسان فى الدنيا يحسه
الخيانه انك تلاقى ان اقرب الناس ليك بيطعنك بسكينه فى ظهرك و يخون ثقتك فيه
كلامك جميل اوى يا علاء
و هرجع ليكى يا خلود
ايه رأيك فى الخيانه هل فعلا هى وجه أخر للخداع ؟
والله يا عمرو انا الحمد لله مجربتش الخيانة دى
بس اكيد هى احساس صعب جداااااااااااااااااا جداااااااااااااااا
لا يا عمرو انا شايفة انها مش وجه تانى للخداع ولا حاجة
انت ممكن تستحمل ان حد يخدعك بس مش هتستحمل انك تتخان
انا شايفة كدا
انا كنت عايز اضيف بس على كلام خلود ان الخداع بيبقى من عدوك
لكن الخيانه بتبقى من الصديق او الفريب
ده طبعا غير ان احساس الخيانه اقوى بكتير من احساس الخداع
لان احساس صعب جدا انك تلاقى الضربة جاية من اقرب الناس ليك
بجد يا علاء كلامك ممتاز
و بجد يا لول نورت الحلقة بمكالمتك دى
و أكيد هستنى انك تكررها تانى
ربنا يخليك يا عمرو انا اللى كنت سعيد انى كلمتك
كنت عايزة اقول يا عمرو ان الخيانه كلمة كبيرة جدا
أكبر من مجرد خيانة الحبيب
ممكن تكون خيانة الحبيب اقوى انواع الخيانة
لكن فى انواع تانية من الخيانة بتبقى قوية جدا
و منها خيانه الاخ و الصديق و الشريك و غيره الخ ................
كلام روعة يا خلود بجد
هنكمل كلامنا على الخيانه
و لكن
بعد الفاصل
ابقوا معنا
فودافون ........... عيش اللحظه
و رجعنالكم مرة تانية
و نستأنف حلقتنا عن الخيانة
دورت كتير على معنى للخيانة
بس للاسف مالقيتش غير بعض الجمل البسيطة اللى ممكن تعبر عن جزء من الخيانة
°أن يطعنك أحدهم في ظهرك فهذا أمر طبيعي ولكن أن تلتفت وتجده أقرب
الناس إليك فهذه هي الكارثة
من المؤسف حقاً أن تبحث عن الصدق في عصر
الخيانة وتبحث عن الحب في قلوب جبانة
أكثر الناس حقارة هو ذلك الذي يعطيك
ظهره وأنت في أمس الحاجة إلى قبضة يده
لا يوجد أسوأ من إنسان يسألك عن اسمك الذي
طالما كان يقرنه دائماً بكلمة أحبك
إذا كنت تحب بصدق فتوكل على الله ولا تفقد الأمل وإذا كنت كاذباً فارحل
وتحدث عن القضاء والقدر
ألا تستحي العروس الخائنة من الجلوس في كوشة واحدة مع رجل
لا يعرف ما صنعت يداها في أحد الرجال
إذا كان هناك من يحبك فأنت إنسان
محظوظ وإذا كان صادقاً في حبه فأنت أكثر الناس حظاً
الوفاء عملة نادرة والقلوب هي
المصارف وقليلة هي المصارف التي تتعامل بهذا النوع من العملات
يقول القلب الصادق
أنا أحبك إذن أنا مستعد لفعل أي شيء من أجلك
إذا كنت تحب بصدق فلا
تتخاذل لأن التخاذل هو الخيانة ولكن بحروف مختلفة
الحب الجميل الصادق تبقى ذكراه
إلى الأبد والحب الكاذب ينتهي إلى آخر نقطة في قاع الجرح
الخيانة في
بعض الأحيان تكون الشعور الأجمل إذا كان الشخص المغدور يستحقها
الحب الحقيقي لا
ينتهي إلا بموت صاحبه والحب الكاذب يموت عندما يحيا صاحبه
كل خائن يختلق لنفسه
ألف عذر وعذرليقنع نفسه بأنه فعل الصواب
الحب الصادق كالقمر عندما يكون
بدراًوالكسوف هو نهايته عندما يلاقي غدراً
الحب كالزهرة الجميلة
والوفاء هي قطرات الندى عليها والخيانة هي الحذاء البغيض الذي يدوس على الوردة
و نرجع لنجمة حلقتنا النهارده
لو قولتلك يا خلود اوصفى الخيانة فى كلمة واحده
هتقولى ايه
ابشع احساس
معايا اتصال تليفونى
معايا على الهاتف (
محمود اللورد )
الووووووووووووووووو
الوووووووووو
ازيك يا حوده
الحمد لله يا عمور تمام
متابع الحلقة من اولها يا محمود
اه طبعا يا عمور
طيب قولى بقى يا حوده
فى ناس بتقول ان الخيانه ممكن يبقى ليها اعذار
هل الكلام ده صحيح
لا طبعااااااا
الخيانه مالهاش اسباب
الخيانة مهما اختلفت صورها و اشكالها مالهاش الا احساس واحد
لكن اللى بيقولو كده بيبقوا عايزين يوضعوا اى اسباب علشان يبرروا خيانتهم
كلامك سليم ميه فى الميه يا حوده
كنت عايزة اضيف على كلام محمود
ان الانسان اللى يخون ممكن يعمل اى حاجة بعد كده
ممكن يكذب
ممكن يخدع
ممكن يلعب بقلب انسان
و كل ده لان الخيانه هى اصعب الجرائم النفسية فى الحب
و اذا قدرت على تنفيذها يبقى هتقدر تعمل اى حاجة بعد كده
بجد يا خلود كلامك جميل اوى
بشكرك يا حوده على المكالمة الجميلة
الف الف شكر ليك يا عمور و بجد انا اللى سعيد انى كلمتك
فاصل اعلانى و هنرجعلكم تانى
ابقوا معنا
nokia.......................... connecting people
اهلا بيكم مرة تانية
فى الجزء الاخير من حلقة النهارده
قوليلى يا خلود
بصفتك بنت اى نوع من الخيانة يؤلمك اكتر ؟
يا عمرو الخيانة احساسها واحد عند البنت و الشاب
و بعدين الخيانة بمختلف انواعها احساسها مرعب و صعب جدااااااااااااااااااااا
الخيانة مش مجرد انك تعرف حقيقة انسان انت كنت مخدوع فيه
دى كمان درس و صفعة قوية ممكن اى انسان ياخدها علشان يفوق
هل كل من يتعرض للخيانة ساذج يا خلود ؟
مش ضرورى يا عمرو
اللى بيحب حد مش بيشك فيه و بالتالى دى بتبقى فرصة ذهبية للخائن انه ينفذ خيانته
حتى و لو كان الانسان اللى بيحبه ده اذكى انسان فى العالم
زى ما بيقولو كده مراية الحب عامية
عندك حق يا خلود فى كل اللى قولتيه
و كنت عايز اضيف ان الخيانة ليها اسباب
و اسباب كتيرة جداااااااااااااااااااا
منها ان الخائن ممكن يبقى مريض بعقدة النقص
أو ممكن يبقى انسان معقد و بالتالى مش بيحسب تصرفاته كويس
و لازم نفضل فاكرين ان الخائن فى الاول و فى الاخر انسان يعنى ممكن يندم و ممكن لا
و ممكن يرجع عن خيانته و ممكن لا
و ممكن يصارح شريك حياته بالخيانه دى علشان يخلص ضميره و ممكن يفضل مخبى عليه
الخيانه من وجهة نظرى المتواضعة هى مرض نفسى أسبابه غير معروفه
علشان كده الخائن دائما مرفوض فى المجتمع
لان الخيانه هى قوة رهيبة بتهدم كل احلام الحب و الرومانسية و السعاده فى لحظه طيش
فى نهاية الحلقة بشكرك يا خوخه و بجد نورتينى النهارده و انا سعيد جدا انك كنتى معايا النهارده
ربنا يخليك يا عمرو انا اسعد طبعا
اعزائى القراء
فى نهاية الحلقة بحييكم و بشكركم على متابعتى فى حلقة النهارده
مستنى ارائكم و ردودكم عن حلقة النهارده
اشوفكم انشاء الله فى الحلقة الجاية
كان معكم
the prince lover
فى
سهر الليالى
الرئيسية
السبت أبريل 17, 2010 4:20 am
