كالعاده يا جماهير الاهلي

انا مش هتكلم انا والله وانا بتفرج علي الماتش شدني الي شفته وسمعته في التلفزيون اوي والي حصل من جماهير الاهلي وفي واحد في موقع فيلجول قال كل الي انا كنت عايز اقوله فا انا هحط الي قاله ...

الكود:: - كالعادة يوجه الجمهور الأحمر رسائل براقة لامعة .. مرة لفلسطين و مرة للثورة و مرة لجمهور الزمالك ، و تستحوذ هذه الرسائل على اعجاب الاعلام و يبدأ في الإشادة بعظمة هذا الجمهور و الروح الرياضية و القدوة و كلام كتير ، لكن تظهر الحقيقة سريعا و نسمع هتافات و سباب في المدرجات تسببت في قطع صوت الجمهور أكتر من مرة اثناء المباراة .. تظهر حقيقة رسالة الحب المزيفة و يبدو أن الجماهير الحمراء لا تعرف كيف تخفي ما في القلب ..
- الجمهور الأحمر حتى لا يعرف كيف يحترم السلام الوطني و يستكبر الصمت لدقيقة .. بل أنه استمر في الهتاف و الصفير ، و في النهاية دائما الادعاء بأنه نادي الشعب و النادي الوطني ..
- الجمهور الأحمر لا يستطيع كتم غيظه و حرقته من شيكابالا ، و الادعاءات الكاذبة مستمرة أنه يحرض الجماهير .. و هو في الحقيقة يحتفل بكل بساطة مع جماهير البلانكو العظيمة و احتفالاتهم سويا الظاهر انها "بتحرق" ناس ..

عندك حق

طيب مثلا هنقول شيكابالا ساعات بيتمادى

طيب وحسام حسن ؟ الراجل مافتحش بؤه بكلمة وحشه عن الاهلي طول الموسم

مش غريبة عليهم يا محمد - دول من زمان بردو كانوا بيشتموا في لاعيبة الزمالك بكل قباحه

من أيام حسن شحاته وحمادة عبداللطيف وغيرهم -- فلا تستعجب يا بني

اوووووووووووووف على دة جمهور

فيه كمية حقد وقله ادب مشفتهاش عند اى حد

سيبك من شيكا هو تاعبهم اوى وحارقهم اوى اوى

وسيبك من حسام هو مخليهم مش عارفين يتخمدوا

وسيبك من الزمالك اللى هو فى احسن حالاته هما بيترعبوا منه

فى حد فى الدنيا عاقل وبيفهم وبيحس يعمل اللى اتعمل والسلام الوطنى شغال

دة لو اسرائيل بتلعب على ارضنا هتحترم سلامنا الوطنى وتتخرس لغاية ما يخلص

لكن ايه اللى هما عملوه دة صفير واغانى وشماريخ على السلام الوطنى

ونعم الوطنيه يا ولاد صالح سليم

الشتيمة دى اكبر دليل على نجومية شيكا وقبلها لما كانوا بيشتموا حسام بيدل على نجاح حسام

فى بيت شعر بيقول اذا اتتك مذمتى من ناقص فهى الشهادة دى بانى كامل

طبعا احنا نقصد الجمهور الي عمل كدا مش كل الجمهور علشان اللبس الي بيحصل مع الناس

عيش جبان تموت مستور

هههههههههههههههههههههههههه

بطل الخوف دة بقى يا عم

لا مش خوف فعلا احنا نقصد الي شتم ودا قصدي انا مبخفش من حد

خلاص طالما دة قصدك انت

انت حر فيه طبعا

لا واكيد قصدك انتي كمان الجمهور الي شتم لان الاهلي جمهوره كتير وفيه ناس محترمه كتير

هههههههههههههههههههههه

بالله عليك سيب قصدى فى حاله وخليه على جنب

خليك انت فى قصدك بس هههههههههههههههههههههه

انا اسف بس لو كان جمهور الزمالك و شيكابالا مشتمش الاهلي و الجمهور العظيم مكنش حصل اللي حصل

ولا هو حلال ليك و حرام لينا ؟

لا يا Dream De$!gen انا ضد شتيمه الزمالك للاهلي وضد شتيمه الاهلي للزمالك

بس حتة السلام الوطني الي ولا عبروه وفضلو يغنو وحتة شتيمه حسام حسن الي عمره ما صرح بتصريح في اسائه للاهلي نفسي اعرف بيتشتم ليه

وحكاية شتميه شيكا بالا بقاله اكتر من شهووووووور معملش حاجه للاهلي والزمالك ولا عمل ولو عمل حسام زنبه ايه زنبه ان الجمهور الزملكااااوي قال الشعب يريد الدوري يا عميد هما خدو الجمله وبقت شتيمه ليه في كل ماتش

علي العموم الي شتم بيمثل نفسه وجمهور الاهلي في محترمين كتير

لا ياراجل حســآم مش بيهزء الاهلي ؟؟

و نتكلم علي جمهور الزمالك اللي بيقولوا الشعب يريد الدوري ياعميد

الدوري من حقهم يقولوا لحسام عايزينه لكن ميقولوش بأسم الشعب لان الشعب اكثر اهلاوية

و ازاي يقولوا لحسآم العميد ؟؟ العميد احمد حسن ياجماعة و لا انا غلطان ؟

هههههههههههه " كلمة شعب تطلق علي كل فئه من البشر يعني مش لازم تتقال للشعب ككل يعني العشب الاهلاوي الشعب الزملكاوي عادي " انت بس فاهم غلط

وبعدين حسام حسن احنا بندلعه ونقوله عميد مفهاش حاجه يعني هههههههههه

ربنا يهدي النفوس وميبقاش في تعصب والجمهور المعفن الي بيشتم دا في اي حته يهدي شويه عايزين القمه ناررررررررررررر

هى الشعب معناها الاهلى

يعنى فى الثورة لما كانوا بيقولوا الشعب يريد اسقاط النظام

كانوا يقصدوا ان الاهلى هو اللى عايز يسقط النظام

والعميد طبعا حسام حسن من زمااااااااااان

من قبل ما شحاته يجامل احمد حسن ويلاعبه ماتشات ملوش فيها

عشان يزودله عدد ماتشاته الدوليه وعموما هى مش بالالقاب يعنى

وفى نقطة لو شيكابالا مشتمش دى

احنا كدة مش هنرسى على بر هنفضل ندور البيضه ولا الفرخه

ما الزملكاوية كمان من حقهم يقولوا ان جمهور الاهلى بقاله اكتر من 10 سنين بيشتم شيكا

وبيشتمه فى كل مكان وفى اى مناسبة دة حتى فى ماتشات السله بيشتموه فيها

ومن غير شيكا ولا حاجة وقبل ما شيكا يتولد ما جمهور الاهلى بردوا كان بيشتم حسن شحاته

هو كدة طول عمره يعنى مش حاجة جديدة ولا بنفترى عليه

بصراحه يا جماعه مش عارف ارد اقول ايه

بس على فكره يا يمنى الاهلى فيها محترمين كتيييييييييير اكتر مما تتخيلى وبالنسبه للشتيمه والكلام ده مع انى مش معاه خالص واللى بسببه اتمنى ان كرة القدم تتوقف نهائى او على الاقل متكونش بالشكل اللى يخلى الناس تتكلم على بعض كده زى انتى ما بتقولى بالنسبه للشتيمه ما جمهور الزمالك بيشتم الاهلى وجمهور الاهلى ولاعبى الاهلى فى كل مناسبه اشمعنا لما الاهلى يرد الدنيا بتقوم ومبتقعدش

ويا استاذ محمد اكيد اللى قال الكلام ده فى موقع فى الجول اكيد هو مش بيشجع الاهلى فلازم يقول اكتر من كده
وفى النهايه يا جماعه مش انا ولا انتو اللى هنقول النادى الاهلى او النادى الزمالك دول عظام ولا لأ فى الاخر التاريخ اللى هو اكبر منى ومنكم هما اللى بيقولو بجد

شكرا ليكم كلكم يا جماعه بجد زعلت من الشكل اللى وصل ليه النقاش بسبب الكوره تحياتى ليكم جميعا

بالعكس يا محمود احنا بنتناقش بكل هدوء وحب

بس الي الراجل قاله بتاع فيلجول انا كنت هقوله انت مشفتش الماتش مشفتش السلام الوطني شغال ومحدش معبره وبيغنو نشيد النادي الاهلي مكانه ؟؟؟؟؟

شفت بيشتمو حسام حسن كل ماتش وهو عمره ما صرح تصريح علي الاهلي طيب ابراهيم حسن مع اني ضد كدا ماشي بيصرح كتير وشيكابالا ممكن طيب حسام مالوو

ياريت الي يرد يرد علي السؤالين دول

شكل ايه اللى وصل ليه النقاش

واحد منزل تعليق واحنا بنتناقش بكل هدوء اهو

جماهير الاهلى محترمة مش محترمة لنفسها ولسمعه ناديها مش ليا

انا اللى بشوفه قدامى بقوله

شيكا بيتشتم كل ماتش ولا لاء ؟؟؟

حسام وابراهيم بيتشتموا ولا لاء ؟؟؟؟

تريقه على النادى والمئوية بتحصل ولا لاء ؟؟؟؟

غنوا وصفروا وولعوا شماريخ على السلام الوطنى ولا لاء ؟؟؟؟

لو مفيش حاجة من دى بتحصل يبقى انا اسفه انى بفترى عليهم

لو الحاجات دى بتحصل بقى يبقى الرد عندكم انتوا مش عندى انا

بصراحه يا يمنى انا مش شايف هدوء عندك خالص ممكن انا اكون معرفش شخصيتك كويس ويبقى انا فهمتك غلط

بس اللى انا معترض عليه ان لما محمد يقولك انا الاهلى فيه محترمين كتير انتى الكلام مش داخل دماغك كأن انت مسلمه ان الاهلى معندهاش محترمين خالص دى نقطه
النقطه التانيه انا مقولتش ان اللى عمله الجمهور فى الماتش صح سواء فى السلام الوطنى او الشتيمه بس المفروض اننا منعممش الموضوع مش اكتر وصدقينى والله انا عمرى متعصبت للنادى الاهلى ممكن ابدى رأى ضد الزمالك ويتفهم مثلا غلط لكن فى النهايه مش الكوره اللى ممكن تفؤق الناس من بعضها يعنى انتى مثلا زعلتى منى لما انا رديت بالتعليق ده
مع انى والله ما اقصد حاجه محمد ممكن يكون فهمنى غلط وانا برده مقصدش حاجه اللى انا عايزه ان كل واحد يدى التانى حقه سواء بالسلب او الايجاب لما الزمالك يغلط نقول غلط ولما الاهلى يغلط نقول غلط ولما يعملو حاجه ايجابيه نقولها وهكذا

انا مثلا بحب لعيبه كتير فى الزمالك وطول عمرى بقول ان الزمالك فيه لعيبه احسن من الاهلى واكتر واحد بحبه فى الزمالك هو عبد الواحد بس فى النهايه كل واحد يشجع اللى يميل له

وبعدين انا هسألك سؤال لو انا بكره شجعت الزمالك هبقى كده محترم ولا انتى عندك رأى تانى

طبعا يا محمود والله انا عن نفسي لو الزمالك غلطت او جمهوره مبخبيش وبقول واكيد يمني كدا ويمني مبتتعصبش ولا حاجه يا جوده يا ابن عمي يا غالي يا جماعه الردود بالكيب ورود بتتفسر مليون تفسير

مثلا " انت فين " ممكن تتفسر انت فين ياعم وممكن تتفسر انت فييييييييييين يا ابن ؟؟هههههه

اكيد فهمتوني وفي الاخر كلنا مصريين يعني والاهلي فيه محترممممممممممممين كتير واي

بس مش عارف ليه الي بيظهر في الصوره بيبقي وحش نفسي الالتراس الاهلاوي دا ربنا يريحنا منهم ديما بتوع مشاكل

ههههههههههههههههههههه

يا محمود بيه مفيش زعل ولا حاجة

بتبقى فى ردود تغيظ بس شوية وبيبقى لازم الرد عليها

ومحترمين او مش محترمين مش انا ولا غيرى اللى اقدر احكم كل واحد عارف نفسه

الواحد بس ساعات بيطلع كلام وهو متنرفز وممكن ميكونش قاصد المعنى الحرفى ليه

اكيد اكيد اكيد الاهلى فى ناس محترمة بس مش هما اللى بيشتموا كل ماتش

والزمالك اكيد اكيد اكيد فى ناس محترمة

**********

على فكرة انا مشتركة فى منتديات زملكاوية فيها عرب وغير مصريين

وكلهم زملكاوية جدا جدا جدا وكل خناقاتى معاهم بسبب شتيمتهم

فى الاهلى والاهلاوية يعنى احنا نقطع بعض اة لكن حد غريب يتكلم كلمة عن حد مصرى زيى لا طبعا

وعموما كلها بتبقى نرفزة ردود عادية يعنى

وزى ما قولتلك مش انا اللى اقيم اى حد واقول عليه محترم او لاء